Prototipoak Bilbao Jaialdia, maiatzaren 27tik 31ra arte

Bizkaie! 2025-04-24 13:07   erakusketak

Prototipoak Bilbao, Azkuna Zentroaren Forma Artistiko Barrien Nazinoarteko Bienala alkargunea da hainbat ikuspegi eta jatorritik kultura garaikidea esperimentetako. Artea zentzumen guztiakaz ikusi eta biziteko forma ugari proponiduten ditue, hartu-emonak, ezagutzak, akorduak eta bizipenak partekatuz.

Maiatzeko azken astean egongo da ikusgai, baina Prototipoak Bilbao hilebete batzuk lehenago hasten da. Proiektu batzuek bienalaren aurreko edizinoan be izaten dabe sorburu; bitartean hazten, aldatzen eta egokitzen joaten dira Azkuna Zentrora eta urira.

Proposamen gehienak site-specificak dira; horreen bidez artistek publikoa konbidetan dabe munduagaz eta natureagaz hartu-emon sentikorrak izatera, enpatia, harridura, jakin-mink, arroztasun, urduritasun, desio, zentzumen eta bestelakoetatik abiatuta. Lanek arte-diziplinen mugak gainditu eta zabaltzen ditue, ekintza performatiboen, antzerkiaren, argazkigintzearen eta arte bisualen bidez.

2025eko Bienalak, ondoko artista honeen proiektuak hartuko ditu: Luz Broto, Christian Fernandez Miron, Orangconsong, Dimitri De Perrot, Ça Marche, Chiharu Shiota, Lore Stessel, Hanna Tuulikki eta Hector Zamora.

Ikusi argazki guztiak handiago