Telmo Iruretak Talia Sari Berezia jasoko dau

Telmo Irureta (Argazkia: EHU/UPV). | Ikusi handiago | Argazki originala

Telmo Irureta euskal aktoreak jasoko dau arte eszenikoetan aldaketa soziala eta inklusinoa sustatzen dituan Talia 2025 Sari Berezia. Estaduko Arte Eszenikoen Akademiak emoten dau, ONCEk babestuta.

Horrezaz gan, Badakizu plastikozko loreak ez direla inoiz bizi izan, ezta? antzezlanak hainbat izentapen lortu ditu Talia 2025 sarietan; esaterako, Aitziber Garmendia emakumezko aktore protagonistearen kategorian eta Mireia Gabilondo antzerki testuaren egile onenaren kategorian.

Badakizu plastikozko loreak ez direla inoiz bizi izan, ezta?

Luziak sekulako depresinoa dau, Yoldiren bidez esperientzia bikarioa biziarazotera eroanez. Yoldi adimen-desgaitasuna dauen gazte zoragarria da eta Jose Manuelen landareak jagoten ditu. Azken hori, psikoterapeuta ospetsua da, baina, garun-paralisiarengaitik, erabat mendekoa izatera behartuta dago.

Mireia Gabilondo, Aitziber Garmendia eta Telmo Irureta barriro be alkarregaz dagoz Sexpiertos/Sexberdinak lanaren ondoren.

Programazinoa

• Apirilak 12, 20:00etan: Getxoko Muxikebarrin. Sarrerak hemen.
• Apirilak 29 eta 30, 20:00etan: Iruñeko Gayarre Antzokian. Sarrerak hemen.
• Bagilak 18, 19:30ean: Gasteizko Jesús Ibáñez de Matauco Antzokian. Sarrerak hemen.