'Minecraft film bat' pelikulea, ikusgai

Bizkaie! 2025-04-04 10:25   Zinemea

Trailerra ikusi hemen.

Minecraft film bat filma gaur, hilak 4, estreinauko da EAEko hainbat aretotan, Zinemea Euskeraz programearen eskutik. Ume zein gazteei zuzenduta dagoan film estadubatuarra euskerara bikoiztuta ikusi ahal izango da.

Zineuskadik sustatutako Zinema Euskeraz programearen barruan aurton ikusiko dogun bosgarren filma da. Euskal ikus-entzunezkoen sektoreari laguntzeko helburua dau Eusko Jaurlaritzako Kultura eta Hizkuntza Politika sailak bultzatutako programeak eta ume zein gazteei zuzendutako pelikulen bikoizketaz arduratzen da, zinemagintzan euskerearen zabalkundea bultzatzearren.

Sinopsia

Ondo etorri Minecraften unibersora. Minecraft, sortzen laguntzaz gan, biziraupenerako giltza be bada. Garrett Zabor-batzaile Garrison, Henry, Natalie eta Dawn moldatu bako lau persona dira, eguneroko arazoakaz burrukan dabizenak. Ezustean, atari misteriotsu batek herrialde harrigarri batera eroango ditu; irudimena nagusi dan mundu kubikoro hain zuzen be. Etxera bueltetako, mundu arraro hori menperatzen ikasi beharko dabe, baita Piglins eta zonbi izaki arriskutsuakandik igez egiten be. Ganera, Steve artisau-adituaren laguntzea izango dabe. Abentura horretan, euren ezaugarri berezi eta sortzaileak topau beharko ditue..

Proiekzinoak

Filma ondoko zinema-aretoetan ikusi daiteke: Golem Alhondiga (Bilbao), Bastero Kulturgunea (Andoain), Cine Areria (Lazkao), Gurea Antzokia (Villabona), SADE Cines (Donostia), Florida Zinemak (Gasteiz), Gorbeia Zinemak (Gasteiz), Niessen (Errenteria), Getxo Zinemak (Getxo), Zugaza Zinema (Durango), Oñatiko Zinema (Oñati), Usurbe Antzokia (Beasain), Zelai Aristi Aretoa (Zumarraga), Biteri Zinema (Hernani) eta Modelo Aretoa (Zarautz).

Aurrerago, beste film bat be izango dogu Zinemea Euskeraz programearen barruan: maiatzaren 2an, Kayara, inka gerraria.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu