Liburuaren Nazinoarteko Egunagaz bat eginda makinatxu bat jarduera egingo dira Gasteizen

| Ikusi handiago | Argazki originala

2025 honetarako hitzorduak honako honeek dira:

• Apirilaren 1ean, Entrialgo se fija Mauro Entrialgogaz (gaztelaniaz): Azucena Monge gasteiztarrak, eleberri grafikoan eta komikigintzan adituak, Mauro Entrialgo elkarrizketatuko dau bere ibilbide historiestistiko luzean oinarrituta.
• Apirilaren 2an, Hetero Uxue Alberdigaz (euskeraz): Aitziber Pérez de Karkamo arabar komunikatzaileak alkarrizketatuko dau idazlea bere azken liburuari buruz (Durangoko Azokan harrera bikaina izan eban).
• Apirilaren 3an, Pantzart konpainiaren Boli bili boli (euskeraz): umeentzako ikuskizuna, papelezko txotxongiloakaz, abestiakaz eta Juan Kruz Igerabideren poemakaz (2-6 urte).
• Apirilaren 9an, Vitoria-Gasteiz, una ciudad para contarla Kreliaren eskutik (gaztelaniaz): Gasteizi buruzko 23 kontakizun batzen dituan liburuaren aurkezpena. Bertan, zuzeneko musikea, irakurketak, antzerkia eta irudiak be izango dira.
• Apirilaren 10ean, Tierra sin hombres, María Peraltagaz (gaztelaniaz): Inma Chacónen liburuagaz Irakurketa Errazerako egindako egokitzapena aurkeztuko dabe APDEMAgaz lankidetzan.
• Apirilaren 11n, Frankestein agurgarria Ana Galarraga & Pettiren eskutik (euskeraz): disko-liburu hau aurkezteaz gan, errezitaldi musikatua eskainiko dabe ondoko gaien harian: Non daude zientziaren mugak? Nor da aurreikusi gabeko ondorioen erantzulea? Zerk bultzatzen du gizakiaren gaiztakeriara? Nor da munstroa?

Jarduera guztiak Goiuri Jauregian egingo dira 19:00retan (apirilaren 3ko umeentzako ikuskizuna izan ezik) eta 18:30etik aurrera aretoaren sarreran kokatutako liburu-saltokira sartzeko aukerea egongo da. Jarduerearen ondoren, liburuak sinatzeko ekitaldia egingo da bertan. Umeentzako ikuskizunaren kasuan, 18:00etan hasiko da eta ez da beharrezkoa aurrez sarrerea hartzea.

Erakusketea eta lanketa artistikoa Udal Sareko Liburutegietan

Liburu Egunak ekimenaren helburua da irakurketea, liburuak eta ikuskizuna oinarritzat hartuta, kulturearen eta herritarren arteko hurreraketea bultzatzea. Horrezaz gan, irakurzaletasuna eta kulturea zabaltzeko espazioak bultzatu nahi ditue: liburutegiak, adibidez.

Helburu hori lortzeko, jarduera batzuk liburutegietan bertan egingo dira, herritarrak programeagaz eta espazio horreekaz inplikau daitezan. Esangura horretan, apirilaren 7tik 13ra bitarteko astean, liburutegiek eskuragarri dituen funts bibliografikoakaz aldi bereko erakusketea egongo da honako gai honeen inguruan: Liburuei buruzko liburuak; bertan liburu, liburuzain, liburu-saltzaile, liburuen edizino, koadernaketea eta bestelakoei buruzko liburuak topauko ditugu, hau da, liburuen munduagaz zerikusia dauen guztia, sortu eta irakurlearengana heltzen dan arte. Aukeratutako liburuak eleberriak, tematikoak edo komikiak izango dira.

Liburutegietan, gizarte-etxeetan eta hurreko inguruneetan egingo dan esku-hartze edo lanketa artistikoak zarratuko dau programea. Aitamen bibliografikoak erabiliko dira, hausnarketak bultzatzeko (hareetako asko umeen liburu edo ipuinetatik ataratakoak izango dira). Horretarako, gizarte-etxeetako langile guztiak inplikau eta liburutegietako nahiz gizarte-etxeetako erabiltzaileen aurreko konplizidadeak bilatuko dira, aitamen horrek ezusteko lekuetan itsatsita agertu daitezan eta literatureak eta liburuek leku nabarmena eta agirikoa izan deien. Holan, liburutegietan, aitamen horreek gordeko dituen kutxa batzuk jarriko dira.

Jarduera guztietarako sarrera librea izango da, jarlekuak bete arte. Informazino gehiago hemen.