Bilbok K-Toño Frade gogoratuko dau
2025-04-03 08:22 KultureaGaur, hilak 3, izango da erakusketearen inaugurazinoa.

Bilboko Udalak atondutako aldi baterako erakusketa deszentralizatuen Expodistristo zikloan, K-Toño Frade (Juan Antonio Frade Villar) autortzeko erakusketea egingo dabe. Berton, Bilboko marrazkilariaren obra grafikoen atzera begirakoa jasotzen da. Artistea, 2018an hil zan.
Egilearen jaiotzaren 80. urteurrena dala-eta, K-Toñoren inguruko persona talde batek martxan jarri dau proiektua. Erakusketan, persona eta erakunde askok itxitako obrak ikus daitekez, Bilbao Gloria Mundi argitaletxearen zigiluaren koordinazinopean.
Abandoko Udaltegian egin dan aurkezpenean, ondoko honeek izan dira: Gonzalo Olabarria, Udaleko Kultura eta Gobernantzako zinegotzia; K-Toñoren lagunak; eta, antontzaileak.
Kontuak kontu, Bilboko marrazkilariaren lanak apirilaren 2tik 15era egongo dira ikusgai Abandoko Udaltegian. Ganera, bagilera arte beste udaltegi batzuetan be izango da: San Frantzisko (apirilaren 29tik maiatzaren 13ra), San Ignazio-Ibarrekolanda (maiatzaren 15etik 29ra), Castaños (bagilaren 2tik 13ra) eta Otxarkoaga (bagilaren 17tik 30era). Doban, goizez eta arratsaldez bisitau ahal izango da.
Inaugurazinoa
Era berean, gaur, apirilak 3, 19:00retan inaugurauko da erakusketea Abandoko Udaltegian. Berton, Juan Mari Aburto Bilboko alkatea izango da, ekimenaren sustatzaileekaz eta Bilboko erakundeen eta gizartearen ordezkariekaz batera.
Erantzun
Erantzuteko, izena emanda egon behar duzu. Sartu komunitatera!