Frantziako gaztaiek edegiko dabe V. Txakomic Jaialdi Gastrokulturala

| Ikusi handiago | Argazki originala

V. Txakomic jaialdi gastrokulturalak Frantzia hartuko dau herrialde konbidadu bezela. Jaialdiak, Bizkaiko gastronomia, komikia, ilustrazinoa eta txakolina buztartuko ditu jarduera moltso parebakoan. Apirilaren 12an izango da Leioako Mendibile Jauregian eta apirilaren 13an Bakioko Txakolin Museoa-Txakolingunean. Jardueren artean, showcookingak, janari probetea, kontzertua eta umeentzako tailerrak izango ditu, Frantziako gastronomiaren eta Bizkaiko txakolinen presentziakaz.

Proiektuaren helburua da Bizkaiko txakolinaren tradizinoa eta euskal komikiaren arteko loturea sustatzea, parte-hartzaileei euskal kulturearen esperientzia parebakoa eta sortzailea eskainiz.

Frantzia Mendibile Jauregian

Aurton, Txakomicek esperientzia enogastronomiko berezia eskainiko dau, Frantziako gazta probaketeaz hasita. Ekitaldi horretan, Frantziako gastronomiako gazta bilduma batez disfrutauko da, Bizkaiko txakolinekaz konbinaduz. Ekitaldia 12:20an hasiko da eta Maria Morak (La Manducateca) zuzenduko dau. Probaketean, Silvia Landeira sommelierrak eta Janire Orduna ilustratzaileak hartuko dabe parte. Azken horrek, ilustrazinoa egingo dau zuzenean.

Satélites taldeak kontzertua ekainiko dau zapatua, doban. Berton, Alex Orbe ilustratzaileak marrazkia egingo ditu, parte-hartzaileek rock, blues eta reggae bersinoez disfrutetan daben bitartean. Ordu berean, Unai Gonzalez ilustratzaileak zuzendutako umeentzako Euskal Mandalak tailerrean parte hartzeko aukerea izango da.

Sormen eta sabore jardunaldia Txakolin Museoa-Txakolingunean

Apirilaren 13an, 12:30ean, Txakolin Museoa-Txakolingunean, Despierta tus Sentidoseko Elena Urigüenek zuzendutako showcooking eta probaketa ilustratuaz disfrutau ahal izango dabe. Higinia Garay ilustratzaileak, sukaldaritza prozesua irudikatuko dau marrazki batean, bertaratutakoek platerrak eta txakolinak probetan dituen bitartean.

Beirateetan atondutako tailerrean, Kike Infamek, ilustratzailea eta Txakomic ekimenaren koordinatzaileak, parte-hartzaileak gidatuko ditu Frantziako komikiko personaia ospetsuetan, esaterako, Asterix eta Obelix eta Pitufoak. Infamek, Mikel Begoñagaz batera, Bizkaiko txakolinaren historia kontau eta komiki kolektiboetan, fanzineetan eta historietako aldizkarietan parte hartu dau, euskal komikigintzean aditu bezela finkatuz.

Txakomic

Bizkaiko Foru Aldundiak kudeatzen dauen Txakolin Museoa-Txakolingunea, Mendibile Jauregia Alkartea, Bizkaiko Txakolina Jatorri Deitura Arautzeko Konseilua eta Jata-Ondo Uribeko Landa Garapenerako Alkartearen alkarlanean sortu da. Proiektu horren oinarria Txakolin Museoa-Txakolinguneak ikusgai izan eban Komikia. Euskal komikiaren historia erakusketan dago.

Txakomic ekimenak Bizkaiko Foru Aldundiaren, Eusko Jaurlaritzearen eta Europako Batzordearen babesa dau.

Proiektua 2021ean sortu zan, Bizkaiko txakolinaren tradizinoaren eta euskal komikiaren arteko lotura prozesuaren ondorioz, herritarrei konjuntzino barriak erakusteko, kasu horretan ardo bereizgarrienaren eta marrazkiaren artean.