'Sangre y Klorofila', Larrua Proiektuarena BLV-ART Jaialdiari ekiteko

Bizkaie! 2025-04-02 07:48   Kulturea

Bilboko Udalak BLV – ART Jaialdia dakar Bilbao La Viejako hainbat espaziotan sorkuntza artistikoko formatu barriak erakusteko. Eskaintzen dauen programa zabal eta danetarikoak Bilbo kulturearen erdigne bihurtuko dau auzoa, eta, aldi berean, ekimen eszeniko barritzaileez gozetako aukerea.

Gonzalo Olabarria Bilboko Udalaren Kultura eta Gobernantza zinegotzia eta Alicia Otxandategi BLV-ARTeko zuzendaria arduratu dira programazinoa komunikabideei azaltzeaz. Era berean, Ane Zapirain artisteak Agortu, site-specific jantza piezearen laburpen bat aurkeztu dau, apirilaren 12an Berreginen Museoan antzeztuko dauena, Jaialdiaren programazinoaren barruan.

Programazinora antzerki fisikoa, arte biziak, jantzak eta ikus-entzunezko instalazinoak batuko dira, 20 proposamen inguru. Jaialdiak artista gazteak eta eskarmentu handikoak batzen ditu. Proposamen gehienak lehen aldiz aurkeztuko dira Bilbon eta programazioan erabateko hiru estreinaldi ditu eta bat Euskadin.

Bilboko 2023-2033 Kultura Plan Estrategikoaren ekintza arloakaz lotzen da, izan be, plan horrek kultura-eszena deszentralizetea sustatzen dau, uriko auzoetara hurbiltzeko.

Berreginen Museoa, Bilborock, Kremlin Aretoa eta San Frantziskoko Udaltegia izango dira Jaialdiaren hamasei ekitaldiak hartuko dituen egoitzak.

BLV-ARTeko kide diren artistak Euskaditik, Nafarroatik eta Galiziatik datoz. Hain zuzen be, handik Butacazero Bilbora dator Lo único que verdaderamente quise toda la vida es ser delgada lana aurkeztera (hilaren 10ean, San Frantziskoko Udaltegian). Lan honen estreinaldia Euskadin egingo da.

Beste estreinaldi batzuk honako honeek dira: Komorebi Produkzinoaken Itzalekin dantzan (hilaren 3an, Bilborocken); Las Nenas Theatre-ren Torcidxs, (hilaren 5ean, Berreginen Museoan eta 6an, Bilborocken), eta Macarena Recuerda Sheperden Si fuera una película/Pelikula bat balitz, (hilaren 13an, Bilborocken). BLV-ARTen programautako proposamen gehienak lehen aldiz ikusiko dira Bilbon.

Programazinoan euskerazko jarduerak eta ikuskizunak be nabarmentzen dira, berbarako, Gaizka Chamizoren antzerki-zirkukoa (hilaren 4an, Berreginen Museoan); Metrokoadrokaren Artxibo biluzia berbaldi performatiboa (hilaren 12an, Bilborocken) eta Macarena Recuerda Sheperden Pelikula bat balitz (hilaren 13an, Bilborocken).

Jarduera guztiak doban dira jarlekuak bete arte; Bilborock Aretoko saioetarako sarrerak 5 euroan salduko dira. Sarrerak hemen.

Informazino gehiago eta egitaraua hemen.

BLV-ART

2007an sortu zan Bilbo Zaharra, kulturarako zubia izenagaz, Udalaren kultura-estrategiaren barruan kultura-programa aurrendaria, auzoaren inguruko kultura-jardueren programa zabal bat martxan jartzeko helburuarieutsiz. Ekimen honen bidez, auzoari balioa emon gura jako. Urteen zehar, BLV- ARTen bidez, Bilbo Zaharrean aurkeztu dira diziplina guztietako arte-proposamen barritzaileenak, eta, holan, kulturearen bidez, bilbotarrei eta bisitariei auzoaren kultura-interes zabala ezagutarazotea lortu da.