La Dramática Errante konpainiak Montevideon izandako jazoerei buruzko 'Filtro' lana estreinauko dau Euskadin eta Galizian

| Ikusi handiago | Argazki originala

Ane Pikazak eta María Goiricelayak osatutako konpainia bere lehen nazioarteko koprodukzioa plazaratu dau Montevideoko (Uruguai) Sala Verdi eta Donostia Kulturagaz batera.

Lanak Filtroko Ospitaleko jazoerak jorratzen ditu, Uruguaiko demokraziaren errepresino-mugarri larriena. Filtro 2024ko abuztuan estreinau eben Montevideon, Latinoamerikako herrialdearen 30. urteurrena ospatzeko ekitaldien barruan. Orain, Euskal Herriko eta Galiziako hainbat antzokitan egingo dau birea, apirilera arte.

Filtro izenburupean, La Dramática Errantek abuztuaren 31n estreinau eban bere azken ikuskizuna, 1994ko abuztuaren 24an Uruguain bizi ziran eta Espainiara estraditau behar zituen hiru ETAkideri alkartasuna adierazoten eutsen jentetzearen kontrako errepresino gogorra eszenatokira dakarren lana. Montevideoko Filtro ospitalearen inguruan izandako jazoera larrien ondorioz, Fernando Morroni eta Roberto Facal uruguaitarrak hil eta ehunka zauritu egon ziran. Hau da María Goiricelayak idatzitako eta egileak berak eta Ane Pikaza lankideak alkarregaz zuzendutako ikuskizun barriaren ardatz nagusia.

Urtebete baino gehiagoko ikerketa eta idazketearen ondoren, Filtro obreak publikoari galderak eragiten deutsozan proposamena eskaintzen dau, Uruguaiko historiako jazoera gogoangarri barrienetako bati buruzko eztabaidea eta hausnarketea sortzeko. Sala Verdiren eta La Dramática Erranteren arteko koprodukzinoak Euskadi/Uruguai talde artistiko mistoa dau, Uruguaiko Marcos Valls, Agustin Urrutia, Camila Parard eta Luis Pazos antzezleek osotua.

Koprodukzino honen jatorria La Dramática Errantek Montevideoko Temporada Alta jaialdian aurkeztu eban Altsasu obrearen emonaldian kokatzen da. Altsasuko kasuari buruzko piezea antzeztu ondoren, Verdi aretoko zuzendaritza taldea, Gustavo Zidan buru ebala, euskal konpainiagaz hartu-emonetan jarri zan Filtro martxan jarteko.

1994ko abuztuaren 24ko gauean Montevideoko Filtro Ospitalearen inguruan izandako jazoerei buruzko lanak hainbat material hartzen ditu erreferentziatzat, besteak beste, ordezkarien kamerearen transkripzinoa, judizioaren laburpenak, hainbat liburu, ikus-entzunezko material dokumentala, egunkariak, alkarrizketak...

Holan, Filtro obreak joandako gorabehera horreek arakatu nahi ditu, oraina aztertzeko eta etorkizuna argitzeko. La Dramática Erranteren helburua oraintsuko historia berraztertzea da, ziurtasunak hausten dituan eta galdera ugari sortzen dituan ikuspegitik, nazinoarteko alkartasunari balioa emotea, justiziaren funtzionamendua barrikustea eta holakoak ez daitezan errepetidu.

Antzezlanaren eszenaratzeak ikusmin handia sortu eban Uruguain eta upealako erantzuna izan eban estreinaldiaren egunean.

Ondokoak dira Euskadin eta Galizian egingo daben birako hitzorduak:

• 20/03/25 Donostiako Principal Antzokian.
• 21/03/25 Donostiako Principal Antzokian.
• 22/03/25 Barakaldo Antzokian.
• 23/03/25 Durangoko San Agustin Antzokian.
• 27/03/25 Gasteizeko Felix Petite Antzokian.
• 28/03/25 Eibarreko Coliseo Antzokian.
• 29/03/25 Bilboko BBK Salan.
• Obreak Donostia Kultura, Montevideoko Batza eta Montevideoko Euskal Etxearen babesa ditu.

Fitxa artistikoa

• Dramaturgia eta zuzendaritzea: María Goiricelaya.
• Antzezleak: Marcos Valls, Luis Pazos, Agustín Urrutia eta Camila Parard.
• Zuzendaritza-laguntzailea: Ane Pikaza.
• Argiztapena eta eszenografia sorkuntzea: Claudia Sánchez.
• Jantziak: Malena Paz.
• Musikea eta bisualak: Ibon Belandia.
• Soinu-espazioa: Ibon Aguirre.
• Produkzinoa: La Dramática Errante: Xabino Alkorta.
• Koprodukzinoa: Sala Verdi (Uruguay).
• Banaketea: Rocío Pindado (Portal 71).