Gerra zibilak Abadiñon izandako eragina aztertzeko lekukotzak batuko ditu Gerediagak

Batze lanean jasotako irudia. Gipuzkoko Artxibo Orokorrekoa. Urkiolako Santutegiaren atzealdean gerra garaian izandako trintxerak-lubakiak dira. | Ikusi handiago | Argazki originala

Gerediaga Alkarteak, Abadiñoko Udalak babestuta, 1936ko garagarrilaren 18ko altxamendu militarrak eta ondoriozko gerrak Abadiñon sortutako eraginak aztertzeko ikerlana hasita dauka. Orain arte, datuak batzen eta ibili dira, ezagunen lekukotzak jasota eta artxiboetako dokumentuak identifikauta.

Kontuak kontu, batze lanak amaitzeko, herritarrei dei egingo jake, gerreagaz edo gerra osteagaz lotutako informazinorik izan ezkero, euren ekarpena egin deien: argazkiak, familiakoen bizipenak, oroigarriak... Era askotako informazioa izan daiteke baliogarria.

Horretarako, Abadiñoko Udalaren laguntzeagaz, informazinoa batzeko lau hitzordu zehaztu dira, Trañan eta Zelaietan:

• Martiaren 26an, Txanporta kultur etxean (16:00-20:00).
• Martiaren 28an, Txanporta kultur etxean (10:00-14:00).
• Apirilaren 4an, Errota kultur etxean (16:00-20:00).
• Apirilaren 5ean, Errota kultur etxean (10:00.14:00).