Azkuna Zentroak 'Running on empty. Comics as visual poetry' inaugurau dau

Ezkerretik eskumara: Cole Degenstein artistea; Gorka Martinez (BBK); Gonzalo Olabarria (Bilboko Udala); eta Pauline Lecerf eta Marta Cartu komikigileak. | Ikusi handiago | Argazki originala

Marta Cartu, Pauline Lecerf eta Cole Degenstein komiki eta ilustrazinoko artisten lan-prozesua batzen dauen erakusketea da, Komikiaren Nazinoarteko Egoitzearen laugarren edizinoaren harian datorrena. Azkuna Zentroa, Cité Internationale de la Bande Dessinée et de L’image de Angoûleme eta Maison de la Littérature de Quebecegaz batera atondutakoa.

Komikigileek Anguleman ekin eutsen egonaldiari eta eta hor egon dira urtarrilaren 20tik zezeilaren 20ra. Azkuna Zentroan egongo dira zezeilaren 21etik martiaren 24ra eta gero Quebecera joango dira, egonaldiaren azken hilebetean lan egiteko. Hiru egonaldiak izan bitartean, jaialdi bat izaten da egoitza bakotxean: Angulemako Komikiaren Nazinoarteko Jaialdia, Gutun Zuria. Letren Nazinoarteko Bilboko Jaialdia eta Quebec BD Jaialdia Quebecen.

Running on empty erakusketeak sorkuntza artistikoaren esperientzia personalean jarten dau arretea, beti ez baitau inspirazinoak argitzen: gasolina barik geratu arren aurrera jarraitzen dozunean bezela da. Ezer ez euki arren, aurrera jarraitzen baitozu, sortzen. Running on empty da komikiak egitea bezela, deskribidu dabe, erakusketearen edukiari buruz.

Komikigileak

- Cole Degenstein

Kanadako belardietan jaio eta Montrealen bizi dan Cole Degenstein artistearen lanak komikiaren, ilustrazinoaren eta poesiaren bidez hartzen dau formea. Samurtasuna da bere obrearen funtsa eta etxeko bizitearen, homosexualidadearen eta landa-aldeko esperientziaren inguruko istorioak ditu ardatz. Cole oso aktiboa da Kanadako komiki eta fanzineen komunidadean, bere argitalpen, antologia eta erakusketa kolektiboek erakusten dabenez. 10-10 to the Wind eleberri grafikoak Center for Cartoon Studiesen 2024 Cartoonist Studio saria jaso eban.

- Marta Cartu 

Marta Cartu komikien sortzailea da eta sorkuntza eta hezkuntza artistikoaren arloan lan egiten dau. Azken urteetan, lehen komiki-albuma argitaratu dau, Hola Siri (2021), eta hainbat istorio labur egin ditu autoedizinoaren arloan. Erakusketa kolektiboetan be parte hartu dau, besteak beste, Constelación Gráfica (CCCB, 2022), Cómic. Sueños e historias (Caixaforum, 2022) eta Revuelta en el cómic (MACBA, 2018). Hezkuntzako jarduerak eta esku-hartzeak diseinau ditu hainbat kultura-erakunderentzat, besteak beste, CCCB, MNAC eta Born CCMrentzat.

- Pauline Lecerf

Pauline Lecerf Bruselan bizi da eta bertan egiten dau lan, Meyboom estudioan. Komikiak idatzi eta proiektu dokumentalak egiten ditu, zinematik kanpoko formak hartzen dituenak: antzezpenak, bisita gidatuak, kirol-eskolak, jolasak, itxaroteko musika-lehiaketak eta soinu-piezak. Bere lehen komikia, TUT, histoires au-delà du langage, 2024ko zezeilean argitaratu eban Magnanik. Lankidetzan ibili da L'Associationek argitaratutako Mon Lapin quotidien, Cornéliusek argitaratutako Nicole eta Lagon aldizkariakaz.