BFAk 'Udalekuak 2025' programan izena emoteko epealdia edegiko dau gaur

Juan José Rojo, Leixuri Arrizabalaga eta Isaac Palencia. | Ikusi handiago | Argazki originala

Bizkaiko, Arabako eta Gipuzkoako foru aldundiek batera atontze dabe Udalekuak 2025 programea; udako kanpaina horrek aukerea emongo dau Euskadiko ume eta gazteei zuzendutako olgeta eta hezkuntzako jardueren programen eskaintza zabalaz gozetako. Aurtengo kanpainan hiru lurralde historikoetako 4.112 umek hartuko dabe parte: Bizkaian 1.514 plaza eskainiko dira 7 - 13 urte bitarteko umeentzat. Udalekuak garagarrilaren 1etik 29ra izango dira (biak gogoan hartuta).

Kanpainea egunotan aurkeztu dabe Leixuri Arrizabalaga Arruza Bizkaiko Euskera, Kultura eta Kiroleko foru diputaduak, Juan José Rojo Bazán Arabako Gazteriaren Foru Erakundeko zuzendari kudeatzaileak eta Isaac Palencia Caballero Gipuzkoako Foru Aldundiko Kultura Sustapeneko eta Gazteriako zuzendariak.

Bizkaian, izena emoteko aldia martiaren 18tik 27ra arte izango da. Plazen zozketea apirilaren 29an egingo da notario aurrean. Araban, barriz, izena emoteko epea martiaren 19tik 28ra izango da, eta Gipuzkoan, martiaren 18tik 28ra.

Programea garagarrilaren 1etik 29ra egingo da eta udalekuak lau aste honeetan banatuko dira: garagarrilaren 1-7; 8-14; 16-22 eta 23-29 bitartean. Bizkaiko Foru Aldundiak atondutako zozketan plaza bat lortzen dabenek hiru foru-aldundiek eskainitako edozein instalazinotara joan ahal izango dira.

Udalekuak 2025 kanpaineari buruzko informazino gehiago hemen. 

Udalekuak 2025

Hiru lurraldeetan kokatutako 15 instalazinotan gauzatuko da. Bizkaiak zazpi eguneko egonaldiak eskainiko ditu Gorliz, Lapurreketa (Dima), Lurraska (Ajangiz), Zugaztieta (Trapagaran), Meakaur (Morga), Kattalin (Legasa- Nafarroa) aterpetxeetan eta Bizkaian kokatutako beste instalazino batean. Gipuzkoako Foru Aldundiak, barriz, Orio, Zarautz, Hondarribia, Igantzi eta Azkoitiko instalazinoetan eskainiko ditu jarduerak. Azkenik, Arabako Foru Aldundiak hiru instalazino ipiniko ditu Udalekuak 2025 programearen eskura: Barria, Zuhatza eta Espejo. Instalazino horreetan guztietan hiru lurraldeetan erroldautako neska-mutilek parte hartu ahal izango dabe, aldundien artean plazak trukatzeko aukereari esker; parte-hartzaile bakotxa erroldauta dagoan lurraldean inskribiduko da.

Udalekuak 2025 kanpainea zabala eta askotarikoa da. Era askotako jarduerak eskainiko dira: baserri-eskoletan, ingurumenari buruzko jarduerak egingo dira, kirol-jarduerak (piraguismoa, mendi-ibilaldiak, belea), baita olgetak be.

Umeek kirol eta kultura-jarduerez gozau ahal izango dabe, besteak beste, museoak ikusteko bisitak,  mitologiari buruzko gaualdiak, gynkanak eta inguruko geologia, landaredia eta faunea ezagutzeko jarduerak.

Udalekuen helburu nagusia da neska-mutilei alkarbizitzarako gunea eskaintzea, autonomia personala sendotu deien. Filosofia horregaz, 2025eko kanpaineak ondoko helburuak ditu: oporraldietan ondo pasetea; autonomia eta bizikidetzea sustatzea; aisialdi hezitzailea bultzatzea; ingurune naturalera hurbiltzea eta ingurumenaren aurrean errespetua sustatzea; aisialdiko jardueretan euskerea komunikazino-hizkuntzea izateko aukerabideak bultzatzea; eremu bakotxeko ohiturak eta baliabide kulturalak ezagutarazotea; eguneroko bizikidetzan laguntasuna eta alkartasuna bultzatzea eta genero-estereotipoak eta rolak dudan jarten dituen bardintasun eta errespetuzko jarduerak bultzatzea.

Udalekuak 2025 udako kanpainearen eskaintzan, hizkuntza-eredu bi egongo dira: euskera hutsez eta elebitan.

Inskripzinoak eta kuotak

Bizkaiko zozketarako izen-emoteak gaurtik, martiaren 18tik 27ko 13:30era arte egin ahal izango dira gehienez be hiru partaideko taldeetan egin ahal izango dira.

Plazen zozketea apirilaren 29an egingo da, jentaurrean

Aurten ezarritako kuotea 142 eurokoa da. Prezio horretan sartzen dira ostatua, gosaria, bazkaria, meriendea eta afaria, dinamizazino zerbitzua, istripuetako eta erantzukizun zibileko asegurua, eta joan-etorriko garraioa jatorrizko lekutik (Donostia- San Sebastián, Bilbo eta Vitoria-Gasteiz).

Gainera, ganerako lurraldeetan bezela, diru-sarrerak bermatzeko errenta (DSBE) eta/edo gizarte larrialdietarako laguntzak (GLL) jasotzn dituen familietako ume eta gazteek eta/edo familia ugarikoak diranek hobaria lortu ahal izango dabe kuotan.

Premina bereziak

Premina bereziak dituen personak (desgaitasun fisikoa, psikikoa, sensoriala edo soziala) aisialdiko jardueretan integretea sustatzeko, foru aldundiek plaza guztien % 5 gorde dabe kolektibo horreentzat (Bizkaiaren kasuan 76 plaza, 2025. urterako). 

Gehienez be partaide biko taldeetan inskribidu ahal izango dira (premina bereziak DITUAN persona bat + premia berezirik EZ dauen persona bat)

Aurten, barritasuna da tratamendu medikoa eskatzen dauen patologia bat izatea, eta, beraz, akonpainamendurako eta laguntzarako monitoreen eguneroko arretea behar izatea.