XVIII. Blas de Otero - Angela Figuera Nazinoarteko Poesia Sariaren deialdia edegi dabe

| Ikusi handiago | Argazki originala

Bilboko Udalak XVII. Nazinoarteko Poesia Sarien deialdia jarri dau martxan. Urtero lez, lehiaketearen helburua Blas de Otero eta Angela Figuera poeta bilbotarrei autortzea egitea da.

Parte hartu nahi dabenek zapatutik aurrera, martiak 15 eta datorren maiatzaren 30era arte bidali beharko dabez lanak, modalidade bitan: bai euskeraz (hemen) bai gaztelaniaz (hemen). Sari bakotxa, 5.500 eurokoa izango da.

Poema-liburuak ondoko helbide horretara bidali behar dira: euskeraz idatzitako obretarako eta gaztelaniazko obretarako. Formatu digitalean baino ez dira onartuko, eta gitxienez 500 bertso eta gehienez 1.000 izango ditue. Horrezaz gan, gaia, errima eta obren neurria libreak dira.

Blas de Otero – Angela Figuera Nazinoarteko Poesia Sarian edozein nazionalidade edo bizilekutako egileek parte har leikie. Parte hartzen daben poema-liburuek originalak eta argitaragabeak izan behar dabe nahitaez, eta ez dago baimenduta aurretik beste lehiaketa batzuetan sarituak izatea, ezta akzesit bidez autortuak izatea be.

Aurreko edizinoan, David Lopez Sandovalen Arte menor eta Iban Garro Alzuriren Euri beroak izan ziran saridunak.

Sari horren deialdia Bilboko 2023-2033 Kultura Plan Estrategikoak batzen dauen sorkuntza literarioa bultzatzeko ildo estrategikoaren barruan kokatzen da.