Mercabilbaok Aurreratua Saria jaso dau

| Ikusi handiago | Argazki originala

Hornikuntzako merkatu zentralen kudeaketan erreferente dan Mercabilbaok jaso dau Aurreratua Saria, 2030 Agenda Euskadi Sarien lehen edizinoan.

Garapen Jasangarrirako Helburuak (GJH) enpresen kudeaketan integretako ahaleginean, Eusko Jaurlaritzeak lehen deialdia egin dau Gasteizen, Imanol Pradales lehendakaria buru dala, jasangarritasunagaz eta erantzukizun sozialagaz konpromisoa erakutsi daben 60 erakunderen ahalegina autortuz.

2030 Agenda Euskadi Sarien helburua da erakundeak sustatzea GJHak euren egituran eta negozino ereduan txertatu deien. Lehendakaritzako Komunikazino eta Barrikuntza Sozialeko Idazkaritza Nagusiko Gizarte Barrikuntza eta Agenda 2030 Zuzendaritzeak sustauta, erakundearen kudeaketan GJHak sartzea sustatzea dau helburu.

Holan, Mercabilbao Aurreratua kategorian saritutako 10 erakundeetako bat izan da. Autortza hori kudeaketa jasangarriaren emoitzea da, energia-eraginkortasunera, hondakinak murriztera eta elikadura-ekosistema arduratsuago bat sustatzera bideratua.

Hornikuntza-merkatu nagusi bezela, Mercabilbaok oinarrizko zeregina dau elikagaien hornikuntza-katean. Ganera, Agenda 2030egaz dauen konpromisoa hainbat ekimenetan islatzen da.

• Elikagaiak alperrik galtzea murriztea.
• Efizientzia energetikoa eta emisinoen murrizketea.
• Ekonomia zirkularra sustatzea.
• Osasuna eta ondoizateagaz konpromisoa.

Mercabilbaok GJHegaz dauen konpromisoak erantzukizun sozialari erantzuteaz gan, lehiakortasunerako oinarrizko faktore be bihurtu da.

Kontuak kontu, Mercabilbao 2030 Euskadi Agenda Sarietan saritu izanak erakusten dau GJHak enpresa kudeaketan sartzea posible eta eraginkorra dala.