Donostiako San Telmo Museoan hasiko da 22. Laburbira

| Ikusi handiago | Argazki originala

Laburbira, euskeraz sortu eta produzidutako film laburren zirkuitua da. Aurton, 22. edizinoak helburu nagusi bi ditu: batetik, euskal zinemagintzea hauspotzea, zinemagileek euren lanak erakusteko aukerea izanez, eta, bestetik, herritarrei euskeraz sortutako film laburrak ezagutzera emotea.

20 urteotan bide arrakastatsua egin dau Laburbirak: euskal zinemagintzearen erakusleiho bihurtu da, zirkuito egonkor eta edegia eskaintzen dauen neurrian, industria osoaren biztugarri moduan be eregiten dau.

Aurtongo edizinora 35 lan aurkeztu dira, horreetatik 8 aukeratuz, herriz herri ikusi daitezan. Guztira, 97 minututako film-labur bildumea osotu da ikusleei ahalik eta emonaldi aberasgarriena eskaintzeko.

Ondokoak dira, hurranez hurran, aurtongo edizinoan ikusgai dagozan film-laburrak:

• Propopagnosia (Ekain Martinez).
• Plazer bat (Sonia Estévez).
• Betiko gaua (Eneko Sagardoy).
• Europa (Ekain Irigoien).
• Pentsatzen dut (Karmele Mitxelena).
• Hor konpon (Jone Arriola).
• Goodbay Kepler (Nerea Ayala, Patricia Fañanás, David Modroño, Iraia Yarto).
• Utländsk (Alba Lozano).

Laburbirak Donostiako San Telmo Museoan hasiko dau aurtongo ibilbidea, martiaren 6an egingo dan aurre-estreinaldian.

Proiekzinoak atontzeko eskaerak

Laburbira edozein herritan atondu daiteke. Beraz, alkarte eta udalen izen-emotea edegita dago zezeilaren amaiera arte. Berton aukerau leikete atontzaileek martiaren 7tik apirilaren 11ra bitartean zein egunetan eta non atondu nahi daben proiekzinoa. Horrezaz gan, sortzaile eta ikusleen arteko hartu-emonak erraztu eta sendotzeko, zuzendariakaz berbaldiak atontzeko aukerea be badago.