'Erromintxela. Senderos y raíces' dokumentalaren proiekzinoa Muxikebarrin

| Ikusi handiago | Argazki originala

Erromintxela. Senderos y raíces dokumentalaren proiekzinoa urtarrilaren 24an izango da, Muxikebarrin, Getxoko Udalak eta UN Etxeak atonduta. Ainhoa Zamanillo eta Marta Las Heras sortzaileek Eman Minutu 1 HITZen alde lehiaketearen XIII. edizinoa (hizkuntza eskubideei buruzkoa) irabazi ondoren egin eben lana, aitatutako alkarteak, Udalaren laguntzeagaz atonduta.

Eman minutu 1 lehiaketeak eraldaketa soziala bultzatzeko dauen eragina nabarmendu nahi dogu. Lehiaketa horren bidez, giza eskubideen inguruan kontzientzia sortzeko gaitasunagaitik nabarmentzen diran proiektuei, esate baterako, Erromintxela. Senderos y raices izeneko dokumentalaren kasuari ikusgarritasuna emoteko plataformea eskaintzen da. Esangura horretan, garrantzitsua da inspiretan eta eraldatzen dituen istorioak ikusarazoteko lan egiten daben sortzaileei laguntzea, nabarmendu dau Carmen Díaz, Gizarte Kohesinoko zinegotziak.

Dokumentala Ekialdeko Europa Otomandar Inperioaren aurrean XIV. mendearen amaieran jausi ondorengo ijito herriaren bidaian sartzen da. Kontinente osoan sakabanatzen hasi zan eta, besteak beste, XV. mendean heldu zan Euskal Herrira. Haren egonaldian, komunidade horrek euskerearen eta romanóaren baldintza lexiko-gramatikaletara egokitu eta horren ondorioz erromintxela sortu zan, herri bien arteko aberastasun kulturala islatzeko berbakerea. Bilakaera horri esker, ijito-erromintxelek nortasun parebakoa garatu dabe, egokitzeko eta erresistentziarako gaitasun nabarmen sinbolizetan dauena. Halan da be, zoritxarrez ez da, gaur egun erromintxelako hiztunen ia arrastorik geratzen.

Sartzea doban izango da baina aurretik izena emon behar da hemen.

Dokumentalaren proiekzinoaren ondoren, Ainhoa Zamanillo zuzendariagaz barrriketaldia izango da eta Eman Minutu 1 - Bakea, bakerako giza eskubideari eta bake kultureari buruzko lehiaketearen hurrengo edizinoa aurkeztuko dabe.