UPV/EHUren graduen eskaintza zabala aberastu egin da

| Ikusi handiago | Argazki originala

Barrikuntzen artean, prestakuntza ibilbideak, 5 urtean LHko goi mailako gradua eta hari lotutako unibersidade gradu bat egiteko aukerea emoten dabenak Unibersidadeak 2025-2026 ikasturtean izango dauen eskaintzeari buruzko informazino osoa Unibersidade Orientazinoko Azoketan, EHUazokan, eskuratu ahal izango da: Donostian, urtarrilaren 25ean; Gasteizen, zezeilaren 1ean; Bilbon, zezeilaren 8an.

Euskal Herriko Unibersidadeak eskaintza finkatua, zabala eta askotarikoa aurkeztu dau 2025-2026 ikasturterako: ikasleak 107 aukera ditu UPV/EHUn graduko ikasketak egiteko, jakintza arlo guztietakoak.

Nabarmendu behar da lehen mailako prestakuntzearen alde egin dogula, oinarri hartuta nazinoarteko begiradea, baina, era berean, gure lurraldeak ingurumen, gizarte eta ekonomiaren arloan dituan erronka handiei aurre egiteko kapaz izango diran profesionalak trebatzeko asmo argiagaz, eta horren emoitzea dogu euskal gizartean harrera oso ona izan dauen eskaintza zabala, adierazo dau Laura Vozmediano Graduko eta Hezkuntza Barrikuntzako errektoreordeak.

Esangura horretan, UPV/EHUk finkatuta dauka gradu bikotzen eskaintzea, eta guztira, 15 titulazino bikotx ditu. Horreetako bat, Business + Economics gradu bikoitxa da (Ekonomia eta Enpresa Fakultadea, Sarrikoko egoitzea): ingelesez irakasten da oso-osorik, eta gauza bera Biomedical Engenieering (Bilboko Ingjinerutza Eskolea) gradu bikotxean. Era berean, hainbat gradu hirueledun ditugu: Lehen Hezkuntza (Bilboko Hezkuntza Fakultadea eta Hezkuntza eta Kirol Fakultadea), Ume Hezkuntza (Bilboko Hezkuntza Fakultadea) eta Logopedia (Psikologia Fakultadea).

Euskal Herriko Unibersidadeak aukerea emoten deutse ikasleei atzerrian ikasteko eta esperientzia aberasteko, Erasmus+, Latinoamerika eta beste norako batzuk programen bidez, iraupen laburreko ikastaro trinkoen bidez (BIP) edo ikasketa eta praktiketarako mobikortasun luzeen bidez. Atzerriko herrialdeen eta urien aukerea zabalduz doa eta, orain, Hegoafrika, Kenya eta Indonesia be aukeran dagoz eta Toronto, Boston eta Rio de Janeiro.

Informazino gehiago hemen.