'Bilbao berraktibatzen 2024/2025' programean izena emoteko epea zabalik dago

| Ikusi handiago | Argazki originala

Bilboko Udalak, Bilbao Ekintza udal-soziedadearen bitartez eta Bizkaiko Foru Aldundiak finantziatuta, gaur, astelehena, urtarrilak 13, edegi dau Bilbao Berraktibatzen 2024/2025 edizinoan izena emoteko epea, urtarrilaren 22an amaituko dana. Urian erroldatuta dagozan eta lan-merkatuan sartzeko laguntzinoa behar daben lanbakoei zuzenduta dago.

Aldi horretan izena emon dabenen artean hautaketa-prozesua egin ostean, zezeilaren 10etik martiaren 31ra bitartean, Bilbon bizi diran 50 lanbakok aukerea izango dabe euren talentuaren garapena erraztuko daben zeharkako trebetasunak identifikau eta entrenetako, baita enplegagarritasun-maila handituko daben tresnak, estrategiak eta kontaktuak eskuratzeko be.

Parte-hartzaileen artean lehentasunezko kolektibo ez baztertzaileak izango dira emakumeak, 35 urtetik beherakoak eta 45 urtetik gorakoak, baita iraupen luzeko lanbakoak bilbotarrak be.

55 orduko prestakuntzea eta laguntzinoa

Hona hemen Bilbao Berraktibatzen 2024/2025 programea osotuko daben ekintzak: Banakako laguntzinoa jasoteko hamar orduko bost saio egingo dira hasierako diagnostikoa egiteko, CVa birdiseinau, sare sozialetan posizionetako eta ekintza-plan indibidualizatua egiteko. Ganera, bost orduko zazpi talde-saio egongo dira, autoezagutzea, marka personala, oratoria, tresna digitalak, lan-aktibazinoa eta enpleguari lotutako transizino berdea lantzeko. Parte-hartzaileek lan-eskaintzak mapeetako eta merkatua aztertzeko banakako sei ordu izango ditue, baita merkatuko jokerei buruzko jardunaldi batera joateko lau ordu be.

Bilbao Berraktibatzen 2024/2025 programeak laneratzeko laguntzinoa emoten deutse proiektuan parte hartzen daben 50 personei eta trantsizino teknologiko-digitalari, energetiko-klimatikoari eta soziosanitarioari lotutako sektoreetan zentrauko da.

Programari buruzko informazino gehiago jaso edo zalantzak argitu nahi izan ezkero, hemen egin daitekez.