Burdin Hesiko Mendi Lasterketea bagilaren 21ean izango da

| Ikusi handiago | Argazki originala

Eperlanda Kultur Alkarteak atontzen dauen mendi lasterketa solidarioa bagilaren 21ean egingo da. Betiko lez, Gamiz-Fikan izango da eta guztira, 37 kilometro egin beharko ditue korrikalariek.

Hirugarren edizinoaren onurak Gurutzetako Ospitaleko pediatria eta gaixotasun kronikoen eremuko onkologiara bideratuko dira, igaz 30.500 euro baino gehiago jaso ziran.

Parte hartu nahi daben ausart eta solidarioek urtarrilaren 12tik aurrera emon leikie izena hemen. Izena emoteko epea bagilaren 9an amaituko da. Aurreko urteko edizinoan, 900 dorsal baino gehiago eskaini eta danak agortu ziran. Halanda ze, atontzaileek data erreserbetea eta lehenbailehen izena emotea gomendatzen dabe.

Kontuak kontu, Burdin Hesiko Mendi Lasterketan hiru aukera izango dira: 27 kilometroko lasterketea (1.750 metroko desnibela); 13 kilometroko lasterketea; eta 13 kilometroko martxea, paisajeaz disfrutetako.