Ibon Martinek 'Alma Negra' aurkeztuko dau Bilbon

| Ikusi handiago | Argazki originala

Bilboko Udaleko Bidebarrieta Kulturguneak hitzordu literario bategaz hasiko dau 2025. urtea, eguaztenean, urtarrilaren 8an, 19:00etan, Alma negra Ibon Martín idazlearen azken elebarriaren aurkezpenagaz hain zuzen be. Martinegaz batera izango da Mikel Santiago idazlea. Aurkezpena El Correoko Kultura Gelaren laguntzinoagaz egingo da.

Alma negra Ane Cestero protagonista dauen sagaren azken elebarria da eta oraingo honetan kasu zailenari egin beharko deutso aurre, Bizkaiko meatzaritza arroan girotuta. Meatze-ustiategi bat barriro edegi nahi eban emakumearen gorpua agertu da eta horrek antxinako elezaharren akordua bizten dau, eskualdeko biztanleen artean hainbat hamarkadatan pilatutako gorrotoa berpiztuz. Ane Cesterok, haren uniformea eta plakea kenduta, Juliaren laguntzinoa izango dau hilketa inguratzen dauen misterioa argitzen saiatzeko. La danza de los tulipanes, La hora de las gaviotas eta El ladrón de rostros filmen ondoren, thriller atmosferikoaren ordezkaririk onenak amaierea emon deutso azken elebarri honegaz Ane Cestero inspektorea protagonistea dauen liburu-sorteari.

Ibon Martinek leku nabarmena dau noir eta thrilleraren eszena literarioan. Donostian jaiotako idazleak oso uniberso berezia eregi dau narrazinoetan. Haren lan nabarmenen artean, ondoko honeek dagoz: El valle sin nombre (2013), El faro del silencio (2014), El último akelarre (2016) edo La jaula de sal (2017). Hori bai, arrakasta eta erabateko onarpena Ane Cestero protagonistea eban tetralogiakaz heldu jakon, pertsonaia erakargarri eta guztiz zehaztua. La danza de los tulipanes liburuak salduenen zerrendako lehen postuak lortu zituan eta thriller-egile garrantzitsuenen artean kokatu eban idazlea.

Mikel Santiago portugaletetarrak thriller, elebarri baltz eta fantasiazko generoak landu ditu batez be. Interneten kontakizunak eta ipuinak argitaratzen hasi zan eta lau liburu autoeditatu zituan. 2014an argitaletxe batek Tremore Beach elebarria argitarau eban, arrakasta handia izanez. 2023an, Netflixek lan honetan oinarritutako serie baten produkzinoa iragarri eban, dagoeneko plataforma horretan ikus daitekeana.