Lesakan izango da 2025eko Bertso Eguna, urtarrilaren 25ean

| Ikusi handiago | Argazki originala

Bertsozale Alkartea eta Bortzirietako Bertso Eskolea alkarlanean dabiz egun osoko egitaraua atontzen. Goizeko 10:00etan hasiko da: Oinak Bidean ibilbidea egingo da Harriondoatik hasita. Ondoren, bertso-poteoa egongo da eta hainbat bertso eskolatako kideek kantauko dabe. Eguerdian mokaua egingo da Arranon, 14:30etik aurrera.

Arratsaldeko jaialdian bertso gehiago entzuteko aukerea izango da: XXI mende, 25 (H)illbetz bertso saioa izango da Harriondoan. Kantuan, Alaia Martin Etxebeste, Amets Arzallus Antia, Julio Soto Ezkurdia, Maddi Ane Txoperena Iribarren, Nerea Ibarzabal Salegi eta Peru Abarrategi Sarrionandia ibiliko dira; gai-jartzaile lanetan, barriz, Alaitz Rekondo Ferrero.

Saioaren ostean be izango da jai giroa. Iluntzeko 20:30etik aurrera, afaria egongo da sagardaotegian. Eta afalostean, Manex Pagola eta Hor guren bertso jarriak izango dira. Eguna biribiltzeko, DJa egongo da Arranon.

Arratsaldeko ekitaldirako zein afarirako sarrerak bertsosarrerak.eus atarian eskuratu zeinkiez. Ekitaldiko sarrerak 12 euroan dagoz, Bertsozale Alkarteko bazkideentzako 10 euroan eta gazteentzako 8 euroan; afaria, barriz, 36 eurokoa izango da.

Lesakan astegoien osoa pasau gura izan ezkero, udalaren webgunean dago inguruan ostatu hartzeko lekuen zerrendea.