Heitxik 'Lema eta Lekukoa' abestia kaleratu dau

Lema eta Lekukoa Heitxiren aurrerapen barria da. Poliki-poliki, euskal panoramako artista interesgarrienetako bat bihurtzen dabil.

Abestiaren bitartez, ondoko mezua helarazo nahi dau Heitxik: osasun mentala funtsezkoa da benetakotasunerako bidean. Bizitzean zehar, ezegonkortzen eta benetan garenarengaindik urruntzen deuskuen uneei aurre egiten deutsegu. Gure emozinoak onartzeak, jartzen doguzan maskaretatik harago joatea eta gure egiazko izatera hurreratzea ahalbidetzen deusku. Prozesu hori, erronka handia badan be, funtsezkoa da zurrunbiloen erdian bakea eta orekea topatzeko. Zaurgarritasun eta zintzotasun-espazioa sortzean, gure buruari berreregiteko aukerea emoten deutsagu. Azkenean, gure bizitzea zuzentzeaz arduretan gara, norberarena baita lema, halanda ze, norberak dauka lekukoa.

Musikea eta berbak Eider Etxeandiak eta Ines Osinagak egin ditue. Produkzinoari jagokonez, Oihan Moreno eta Iker Villa arduratu dira.