'XX5', Kaotikoren 25. urteurrena ospatzeko diskoa

Bat-batean, XX5 da Kaotiko taldeak haren hogeitabostgarren urteurrena ospatzeko kaleratu daben diskoa. Abesti zaharrak barriro grabau eta birmoldau ditue estudioan. Holan, taldeak haren ibilbide luze eta emankorra gogorarazo nahi dau, eskaintza, konpromisoa eta, jakina, ibilbidea markau daben eta jarraitzaileen artean abesti mitiko bihurtu diran abestiekaz.

Taldekideek adierazo dabenez: mende laurdena hegan pasau da, kilometroak, kontzertuak, anekdotak eta lagunartean betetako urteak, musikea izanik gure motorra.

Beraz, XX5 diskoak historia hura islatzen dau, abesti esanguratsuenak barritutako soinua eta agortezina dan energiakaz batuz. Diskoa 2025eko urtarrilaren 31n argitarauko da, binilo bikotx eta digipack formatuan. Jimmy (Soziedad Alkoholika) produktorea izan da, Haritz Harreguy estudioetan grabau da eta Víctor Garcíak masterizau dau Ultramarinos estudioetan.