'Ezki Kontu-Kontari'

| Ikusi handiago | Argazki originala

Ipuin kontalariaren magiak ahots barria dau: Ezki Kontu-Kontari, Ezki iratxo bidaiaria protagonista dauena; 2024ko zezeilean estreinauko da Gookapi.eus plataforman. Durangoko Azokan (Irudienean), familiek aurrestreinaldi esklusibo batez gozetako aukerea izan eben eta ikusleek harrera beroa egin eutsen telesailari.

Ezki, iratxo bidaiaria, munduan zehar ibili da hamaika kultura eta herrialdetako kondairak zein jakituria jasoten. Orain, baso magikora bueltan, gauero kontu-kontari ibilten da sutondoan, ikasitakoa iratxokumeakaz konpartiduten. Antxinako kondairak entretenigarriak eta dibertigarriak izateaz gan, iratxo zein gizaki txikiei balio unibersalak irakasten deutsee, euren gatazkak eta kezkak gainditzeko giltza izan deien.

Telesailaren helburua 0 eta 9 urte bitarteko neska-mutilen artean kulturarteko ikaskuntza eta balio etiko, sozial eta iraunkorren garapena sustatzea da, munduko hainbat txokotako kondairak zabalduz.

Telesailak beste kulturak errespetuz, tolerantziaz, enpatiaz eta ulermenez jorratzen ditu. Kondaira bakotxa tresna bat izango da umeek egungo gaiak ulertzeko eta horreei aurre egiteko, besteak beste, bardintasuna, aniztasuna, ingurumena jagotea eta eguneroko bizitzako beste erronka batzuk.

Telesailaz gan, Ezki Kontu-Kontariren unibersoak barriro sortuko dira zezeiletik aurrera, liburutegi, antzoki, ikastetxe eta beste hainbat lekuetarako diseinautako ipuin kontalari ikuskizunagaz. Formatu intimoan, espazio txiki edo ertainetarako ezin hobea, Ezkik munduko kondairak umeei eroango deutsee, istorio bakotxaren emozino, balio eta irakaskuntzakaz lotuz. Ezin hobea familientzat, hezitzaileentzat eta eduki seguru eta aberasgarriak nahi dituen komunidadeentzat, ekitaldiak ikasteko eta entreteniduteko esperientzia parebakoa.