Arte Ederren Bilboko Museoko lanak atzeratu egingo dira

| Ikusi handiago | Argazki originala

Eraikinaren azken pisuko sabaia eta horren egiturea egiteko ardurea eban enpresak, Inversa izenekoak, ezingo deutse lan horreei ekin, hartzekodunen konkursoan baitago eta museoa zabaltzeko lanak egiten dabilen aldi baterako enpresa alkarteak hiru hilebeteko etena eskatu deutso patronatuari eta etenaldi hori onartu egin dabe.

Miguel Zugaza Museoko zuzendariak nabarmendu dauenez, obrak amaitutakoan museoaren azalerea % 60 handiagoa izango da, 5.000 metro koadro handiagoa izango da eta orain arteko 2.250 metro koadroak berriztauta agertuko dira.

Ganerakoan, bisitari kopuruaren barri emon dau: 206.000 personak bisitau dabe, kopururik handiena da bost urtean eta 2023ko tarte berean baino % 8 gehiago.

2025eko lehen seihilekoan Bilbao Museoak hartuko dituan bildumak aletu ditu Zugazak, besteak beste, Max Ernst (margolari surrealistearen 56 artelan), Daniel Tamayo, Adolfo Guiar, Eduardo Zamacois eta Felipe Manterola argazkilariena.

Gabonak Bilboko Arte Ederren Museoan

- Dúo AriMa. Saxofoia eta pianoa. Abenduaren 13an, 20:00etan.

Alberto Mielgo eta Marta Cararen Erroak-Raíces proiektuak balioan jarten dau munduko hainbat lekutako musika tradizionala. Programeak saxofoi eta pianorako idatzitako partiturak izango dira nagusi, baita beste instrumentazinoen moldaketak be.

Museoaren Lagunak 7 €; publiko orokorra 10 €.

- Umeentzako Gabonetako tailerrak (10:00etatik 13:00era). Izen-emoteak zabalik.

Arriola-Lerchundi Liburutegiko orduen liburuak, Antonio de Guezalaren exlibrisak eta Juan Luis Goenagaren jatorrizko formak inspirazioa izango dira 6 eta 12 urte bitarteko haurrentzako (helduen laguntzarik gabe) lau tailerretan. Horietan, haurrek, egiturari, ilustrazioari eta tipografiari buruz ikasiko dute, lanari ekiteko eta beren objektu-liburua sortzeko.

Abenduak 23 edo 30. Ciclilibris (akordeoi-liburua).
Abenduak 24 edo 31. Pop up (postal-liburua).
Abenduak 26 edo urtarrilak 2. ABCbook (fanzinea).
Abenduak 27 edo urtarrilak 3. Exlibris (zigiluak eta estanpazinoa).

Museoaren Lagunak 8 €; publiko orokorra 10 € (saio bakotxeko).