Kirikiño Ikastoleak I. Argazkigintza Feministea lehiaketako emoitzak Bilbon zabalduko ditu

| Ikusi handiago | Argazki originala

Alkarlan honi esker, iraila eta urria bitartean, Kirikiño ikastolako DBH3tik gorako ikasleek argazkilaritza tailerrak izan ditue Juan Gómez eta Bego Elexpe argazkilari profesionalen eskutik. Argazkilaritzea tresna erabagigarria izan da aktibismo feministan, emakumeen burrukak ikusarazoteko aukerea emonez. Irudiak narratibak aldatu eta desafiau leikez, emakumeen ahotsak entzun eta ikusteko espazioak sortuz. Ekimen honen bidez, Kirikiño ikastolako ikasleak argazkigintzeak feminismoan dauen garrantziaz jaubetu dira.

Wasmu - Fundación Warmi Ametsak irabazi-asmorik bako erakunde pribatua Ekuadorreko Errepublikan kokatuta dago. Helburua da gizarteratze ekonomiko eta sozialerako bideratutako programak eta zerbitzuak proponidutea eta gauzatzea, arreta berezia jarriz pobrezia egoeran dagozan biztanleetan.

Hasiera-hasieratik, Kirikiño Ikastoleak euskerea eta euskal kultureaga, bardintasunagaz, iraunkortasunagaz, alkartasunagaz eta ekintzailetzeagaz lotutako hainbat ekimenetan hezkuntza-komunidadearen parte-hartze aktiboa sustatu izan dau. Irakaskuntza kooperatibeak Bilboko 900 familia baino gehiago batzen ditu, Ikastolen Alkarteko kide da eta 1977an sortu zan.

Kontuak kontu, zemendiaren 25ean, Emakumearen Indarkeriaren Kontrakoko Nazinoarteko egunean, Metro Bilbaoko Indautxuko geltokian ekimen honen inguruko panelak ipini zituan. Argazkigintza Feministearen Nazinoarteko lehiaketako beste parte-hartzaileen argazkiez gan, Kirikiño ikastolako ikasleen emoitza batzuk be argitaratu ziran.

Gaiaren harian, datorren abenduaren 15ean, Mtreo Bilbaoko Moyua geltokian jarriko ditue panelak.

Abenduaren 12an: Wasmu Warmiren ekitaldia

Bardintasunagaz dauen konpromisoaren harian, abenduaren 12an irudiaren indarrari buruzko tailerra atondu dau alkarteak, gizonen eta emakumeen arteko bardintasunaren alde Bizkaiko Batzar Nagusiak erakundearen Bilboko egoitzan.

Horrezaz gan, Las Txakanas; experiencias de vida dokumentala aurkeztuko da eta Nazinoarteko Argazki Lehiaketa Feministearen bigarren edizinoa iragarriko da, Nosotras izenekoa.