NIK Patrika Digitala, zure txartel eta zerbitzuak APP bakarrean

| Ikusi handiago | Argazki originala

NIK Patrika Digitala Gobernantza, Administrazio Digital eta Autogobernu sailak landutako zerbitzu digitalaren helburu da personen egunerokotasuna erraztea eta Administrazinoaren eraldaketa digitala sustatze, izan be, tresna digital honek administrazino edo zerbitzu publiko ezbardinetako txartel edo zerbitzuak eskuko telefonoan eroateko (Osakidetzaren txartela, Gaztetxartela...), bai eta abisu eta jakinarazpen garrantzitsuak jasoteko edo Lanbide edo metapostea lako webguneetara sartzeko aukerea emoten dau, APP bakar bat erabilita.

Daborduko 14 udalerri batu dira zerbitzura eta, beraz, NIK Patrika Digitalaren parte diran herrietako bizilagunek udal txartelak be sartu daitekez APP horretan, kiroldegiko txartela edo liburutegiko txartela. NIk Patrika Digitala zerbitzua eskaintzen dabe ondoko udalek: Bilbo, Donostia, Gasteiz, Abadiño, Amorebieta-Etxano, Elgoibar, Galdakao, Gernika-Lumo, Legazpi, Lemoa, Mungia, Ondarroa, Santurtzi eta Zalla.

Gobernantza, Administrazino Digital eta Autogobernu Sailak zerbitzuari buruzko informazino-kanpainea landu eta helburu bi zehaztu: batetik, APPa herritarren artean ezagutarazotea eta persona gehiagok zerbitzua erabili deiela. Eta, bestetik, udalerri gehiagotara zabaltzea NIK Patrika Digitala aplikazinoa.

Eusko Jaurlaritzeak lankidetza-hitzarmena sinatuta dauka Eudelegaz, Nik Patrika Digitala tresnea udalen eskura jarteko. Orain, Euskadiko Udalen Alkartearen bidez, zirkular bateratu bat bialdu da EAEko udal guztietara, batu ez diran udalerriek bat egin deien zerbitzuagaz.

NIK Patrika Digitala aplikazinoa erabili nahi daben personek informazio guztia eskuragarri dabe nik.euskadi.eus webgunean eta aplikazinoa Apple storen eta Play storen deskargau daiteke. Erabiltzaileen segurtasuna bermatzeko, zerbitzua erabilteko beharrezkoa da BakQ identifikazino elektronikoa; BakQa online edo aurrez aurre eskuratu edo barritu daiteke.