Durangoko Azokako Sormen Bekeari esker animazinoko telesail bat produzidu dau Marramiau taldeak

| Ikusi handiago | Argazki originala

2023ko Sormen Beka DA! irabazi eban Marramiau sorkuntza taldeak eta emoitzearen aurkezpenean, saria jaso eta urtebetera. Durangoko Azokeak eta Durangoko Udalak emoten daben bekeari esker animazinoko telesail bat egin dau taldeak.

Ihintza Iriarte Apezetxea, Miren Bereziartua Lonbide eta Uxue Bereziartua Lonbidek osoatzen dabe Marramiau. Hamar minutu inguruko sei kapitulu ditu telesailak, eta banaka zein jarraian ikusi daiteke. 

Marramiau sorkuntza taldea ganerako egunetan ere presente egongo da Durangoko Azokan, izan be, Landako Guneko erakusmahai batean, euren lanean oinarrituriko laminak eta bestelako produktuak eskainiko ditue. Telesailaren irudi batzuk be erakutsiko ditue pantaila bidez.

Aurtengo Sormen Bekea, gaur, aurtengo Sormen Bekearen irabazlea ezagutzera emongo da 11:30ean Museoan egingo dan prentsaurrekoan. 60. Durangoko Azokan erakutsi ahal izateko esku-hartze artistiko bat izango da saritua.