Kylie Minogue, Pulp eta Michael Kiwanuka BBK Liveko artisten artean

| Ikusi handiago | Argazki originala

Bilbao BBK Live jaialdian izango diran lehen artistak aurkeztu ditu, besteak beste, Kylie Minogue, Pulp, Michael Kiwanuka, Bad Gyal, Nathy Peluso eta Raye. Guztira, 36 artista dagoz lehen tanda horretan, 2025eko garagarrilaren 10ean, 11n eta 12an Bilbao BBK Live jaialdirako.

Jaialdiak aberastasun handia eskaintzen dau biodibersidadeari jagokonez, eta, musika garaikideko erreferenteez gan, belaunaldiarteko artistak, ahots hasibarriak, proiektu esperimentalak eta jente askok gogotsu espero dituan intimidadea eta kolektibotasuna be topau ahal izango dira.

Kylie Minogue da kartelburu nagusi; pop estiloan izar ukatuezinak Tension II albumeko abestiez gan, Padam Padam arrakastea eta bere hiru hamarkadako ibilbidean ondutako klasikoak be eskainiko ditu ikuskizunean. Australiar ikonoagaz batera, 90eko hamarkadako soinua definidu eban Pulp britpop taldea, Jarvis Cocker karismatikoa buru, belaunaldi oso baten sinbolo. Horreezaz gan, Erresuma Batutik musika garaikidearen ahots hunkigarrienetako bat, Michael Kiwanuka, haren soul eta folk estiloekaz dator. Musika urbanoaren erregina, Bad Gyal be kartelburuetako bat izango da, hiru Latin Grammy irabazi barri dituan Nathy Peluso handiagaz batera. Ganera, azken aldiko ezusteko garrantzitsuenetako bat be etorriko da, Raye britainiarra, My 21st Century Blues albumeko R & B, soul eta dance fusinoagaz.

Aurreko edizinoetara joan diranentzako aurre-salmentea esklusiboa bihar hasiko da, hilak 5, goizeko 10:00etan eta abenduaren 11, eguaztena, izango da azkeneko eguna (11:59 arte). Fan bonoaren salmenta berezia abenduaren 9ko (astelehena) 12:00etatik abenduaren 11ko (eguaztena) 11:59 arte egongo da edegita; dana dala, aldez aurretik izena emon behar da itxarote-zerrendan, jaialdiaren webgunean. Salmenta orokorra, abenduak 11, 12:00etan, hasiko da.

Prezioak

• Aurreko edizinoetara joan diranentzako aurre-salmenta esklusiboa: 135 € + gastuak.
• Fan bonua: 145 € + gastuak
• Salmenta orokorreko bonua: 150 € + gastuak
• Kuadrilla bonua: 750 € + gastuak (5 bonu erosiz gero, 6. opari).
• Gazte Bonua: 120 € + gastuak.
• Kanpina 4 gau: 30 € + gastuak.
• 11 urtetik beherakoek sarrera doban (formularioa bete behar da aldez aurretik).

Baieztautako taldeak

• Abhir.
• Alice Phoebe Lou.
• Amaia.
• Amyl and The Sniffers.
• Bad Gyal.
• Baiuc
• Bicep present Chroma (Av DJ Set).
• The Blessed Madonna presents We Still Believe.
• Ca7riel y Paco Amoroso
• Cala Vento
• Carolina Durante.
• English Teacher.
• Fat Dog.
• Hidrogenesse: Así se baila el siglo XX.
• HOFE X 4:40.
• Jale Ngonda.
• Japanese Breakfast.
• Jessica Pratt.
• Judeline
• Kylie Minogue.
• L’Impératrice.
• Makaya McCraven.
• Michael Kiwanuka.
• Mirua.
• Nathy Peluso.
• Obongjayar.
• Orbital.
• Pablo Pablo.
• Polo & Pan.
• Pulp
• Raye.
• Rusowsky.
• Sofie Royer.
• Tatta & Denso.
• Viva Belgrado.
• Wunderhorsen.