Europako Improve proiektua aurkeztu dau Askabidek

| Ikusi handiago | Argazki originala

Zemendiaren 25eko ekitaldien harian (Emakumeen kontrako Indarkeriari ez), atsegin handiz aurkeztu deuskue Europako Improve proiektua, Improving Access to Services for Victims of Domestic Violence by Accelerating Change in Frontline Responder Organisations, Europako Batasunak finatziauta.

Espainia, Alemania, Austria, Hungaria, Portugal, Frantzia eta Finlandiako erakundeek parte hartzen dabe, baita unibersidadeak eta hirugarren sektoreko erakundeak be.

Ikerketa-proiektuaren helburuak dira etxeko eta genero-indarkeriaren biktimei eta bizirik urten dabenei arreta-zerbitzuetarako sarbidea erraztea, IAgaz (AINO) alkarrizketa bidezko chatbot eleaniztun baten bidez eta prestakuntza-materialak eta baliabideak sortzea, hainbat arlotako profesionalak etxeko eta genero-indarkeriaren prebentzinoan eta sensibilizazinoan trebatzeko.

Improce proiektua Europako Batasunak finantziatutako ekimena da, 36 hilebeteko iraupena dauena, etxeko eta genero-indarkeriaren aurreko erantzuna indartzeko diseinautakoa.

Proiektuaren helburuak:

• Biktimentzako zerbitzuetarako sarbidea erraztea, lehen mailako erakundeetan aldaketak sustatuz.
• Indarkeria-kasuen salaketa eta detekzinoa sustatzeko tresnak garatzea.
• Bizirik dagozanen eskubideen eta justiziarako sarbidearen arloan trebatzea.
• Poliziari, erakunde zibilei eta talde profesionalei urtenbide barritzaileen bidez laguntzea.

Tresnak eta baliabideak:

AinoAid Chatbot: alkarrizketetarako chatbot bat, biktimei eta profesionalei laguntzeko diseinautakoa, informazinoa eta euskarria eskainiz genero-indarkeriaren eremuan. Hainbat hizkuntzatan dago eskuragarri: ainoaid.fi.