Badator VII. Zirkozaurre, Zirku Jaialdia

| Ikusi handiago | Argazki originala

Zirkozaurrek, Zorrotzaurreko zirku-arteen guneak atontzen dau publiko guztientzako proposamen erakargarria, zirkua barriro be protagonista izango dauena.

Ikuskizunen programazioa Zirkozaurre Gunean hasiko da, Gorka Ganso clown ezagunak zuzenduko dauen zirku-gala bategaz eta bertan aireko akrobazietan, trapezioan, bihurrikatzean eta diaboloetan adituak egongo dira. Ikuskizun bi izango dira, lehenengoa zemendiaren 29an, barikuan, eta bigarrena zemendiaren 30ean, zapatuan, biak 20:00etan. Abenduaren 1ean, domekan, 13:00ean, eszenatoki berean, Anna Mateu valentziar konpainiak ‘Arròs’ antzeztuko dau, akrobazia koreografikoa eta jantzea buztartzen dituan proposamena.

Egun batzuk geroago, jaialdiko ekitaldiak Bilborocken izango dira: Empaque, Chicharrón Circo Flamencorena, eguenean, 5ean; Malabarian on the Rox, Roxi Katcheroffena, barikuan, 6an, eta azken gala handi bat, zapatuan, 7an, Roxik berak aurkeztuta eta Luis Niño Toto maila handiko artistakaz. Saio guztiak 20:00etan izango dira.

Ikastaro trinkoak eta tailerrak

Zirkozaurre Gunean 5 ikastaro trinko emongo dira, hainbat diziplinatakoak: Trapezioa (zemendiaren 30ean eta abenduaren 1ean, 10:00etatik 13:00era, Nicolas Stocco irakaslea), Aireko Bikote Teknikak (abenduaren 6an, 10:00etatik 14:00etara, Matías Cienfuegos eta Serena Riot irakasleak), Trikimakoak (abenduaren 6an eta 7an, 16:00etatik 19:00retara, Nestor Urrego irakaslea), Malabar-teknikak (abenduaren 7an eta 8an, 10:00etatik 13:00era, Luis Niño Toto irakaslea) eta Ule-esegitea (abenduaren 7an eta 8an, 10:00etatik 13:00era, Andrea Ríos irakaslea.).

Horrezaz gan, Zirkozaurren eta Gas Plazan zirku tailerrak egongo dira, doban eta edade guztietako publikoarentzat.

Zirku egunak datoz, huts egingo dozu?

Informazino gehiago eta egitaraua hemen.