Euskarabentura Elkarlan sarituen artean

| Ikusi handiago | Argazki originala

Sariak emoteko ekitaldia Muxikebarriko Arrigunaga aretoan egingo da 18:30ean eta bederatzigarren edizinoko lau proiektu irabazleek Maria Ubarretxena Gobernantza, Administrazino Digital eta Autogobernuko sailburuaren eskutik jasoko dabe saria.

Proiektu irabazleak dira: Gure basoen alde auzolanean (Lurgaia Fundazinoa); Arte komunitarioa, personen gizarte-kohesinoa sustatzeko proiektua (Argia Fundazinoa); Euskarabentura Espedizinoa (Euskera eta Kultura gazteen artean sustatzeko alkartea) eta Dragoi ontzia eta paracanoe (Getxoko Piraguismo Kluba).

Eusko Jaurlaritzako Gobernantza, Administrazino Digital eta Autogobernu Sailak atontzen dituan Elkarlan Sariek helburu dabe osasunaren, ingurumenaren, garapen ekonomikoaren, kulturearen, gizarte-kohesinoaren eta herritarren parte-hartzearen arloetan balio publikoa sortzea sustatzen daben proiektu barritzaileak bultzatu eta autortzea.

Sariak emoteko parte hartuko dabe Maria Ubarretxena Gobernantza, Administrazino Digital eta Autogobernuko sailburuak eta bederatzigarren edizinoko lau talde irabazleek; eta horreek 2024an zehar landu dituen proiektuak aurkeztuko ditue.

Ondokoak dira saritutako proiektuak:

• Gure Basoen Alde Auzolanean (Lurgaia Fundazinoa). Gure basoak berreskuratzeko eta natura eta kultura-ondarea babesteko proiektua da, gizartearen eta etorkizuneko belaunaldien mesedetan, boluntarioen laguntza eta lankidetzeagaz.
• Arte Komunitarioa; Gaixotasun mentala daben eta ez daben personen gizarte-kohesinoa sustatzeko proiektua (Argia Fundazinoa). Gizarte-kohesinoa sustatzeko eta era komunitarioan mural bat sortzeko proiektua da. Personen arteko topaketarako eta komunidade sena indartzeko espazioa izan nahi adu proiektuak; ahalduntzeko, alkarbizitzarako eta entzute ariketarako espazio segurua, persona eta artistek euren talentuak batu eta konpartiduteko.
• Euskarabentura (Euskerea eta Kulturea gazteen artean sustatzeko alkartea). Euskal Herria oinez zeharkatzen dauen hilabetekoabenturea da. Espedizinoak, euskal herriko eta euskal diasporako 125 gazteri emoten deutse parte hartzeko aukerea. Proiektuaren helburuak dira gazte euskaldunen sare bat sortzea eta gazteen artean euskera sustatzea.
• Dragoi ontzia eta paracanoe; piraguismoa, bizitza barri baten hasierea (Getxoko Piraguismo Kluba). Dragoi ontzia bularreko minbizitik osatzen, minbizia prozesuan bete-betean edota metastasi prozesuan dagozan emakumeen errekuperazino fisiko, psikologiko eta sozialerako ekipo-ontzi leza jaiotako proiektua. Proiektu horretara, batu dira, orain, dibersidade funtzionala daben personak kirolaren bidez osasuna eta errekuperazino fisiko eta psikologikoa sustatzeko.