Musika nobedadeak ezagutzeko abesti zerrendea sortu dabe

| Ikusi handiago | Argazki originala

Durangoko Azokan aurtengo uzta musikala eskainiko dabe sortzaileek. Musikazaleek euren gogoko taldeen lanak izango ditue eskura eta talde barrien proposamenetan arakatzeko tartea be hartu ahalko dabe.

Azoka egunetara heldu aurretik, halanda be, eskaintza horren lagina ezagutzeko aukerea izango da, Durangoko Azokako abesti zerrendeari esker. Bertan, lan barria dakarten talde eta bakarlarien euskera hutseko kantu bat egongo da entzungai. Playlistara 25 abesti batu ditue, azokea hasi bitartean, egunero horniduten joango da. Durangoko Azokeak eta Badok atariak alkarlanean landu dabe ekimena.

Azokan parte hartuko daben musikarien abestiakaz osotuko da zerrendea eta badok.eus atarian bistaratuko da. Horrezaz gan, durangokoazoka.eus webgunean entzun ahal izango da, baita Spotify plataforman be.

Abesti zerrendea, Landako Guneko bozgorailuetatik emitiduko da azoka egunetan. Beraz, Durangoko Azokako soinu-banda osotuko da aurtongo musika nobedadeakaz. Bestalde, Landako Gunean nobedadeen QR panela instalauko da, telefono mobikorragaz zuzenean entzun ahal izateko.