'Breve historia del ferrocarril español' antzezlanaren Euskadiko estreinaldia Blbon

'Breve historia del ferrocarril español'. Erretratua: Luis Soria. | Ikusi handiago | Argazki originala

Bilboko BBK Salak, Centro Dramático Nacionalen (CDN) Breve historia del ferrocarril español proukzino-lanaren Euskadiko estreinaldia hartuko dau zapatuan, urriaren 26an. Joan dan udabarrian, martxan jarri eta bi urtera, muntaia CDNren Madrilgo María Guerrero Antzokira bueltau zan eta han hile osoa emon eban kartelean. Bira laburrari ekin eta Bilboko saiorako sarrerak agortuta dagoz dagoeneko. BBK Salako emonaldiaren ondoren, Breve historia del ferrocarril español Teatre Nacional de Catalunyara helduko da, urriaren 31tik zemendiaren 4ra.

Joan Yago antzerkigile gazteak (Bartzelona, 1987), La Calòrica kataluniar konpainia ezagunaren sortzaileak, idatzitako lana kapitalismoak Espainian duen jatorriari eta errege-familiagaz dauen lotura estuari buruzko begirada burlatia eta sarkastikoa da. Trenez egindako Madril-Aranjuez lehen bidaiatik hasi eta Mekara doan AVEa inaugurau eben arte, ikuskizunak Espainiako berrehun urteko historia gainbegiratzen dau, Espainiako trenbide-sarea eregitari esker nor aberastu dan aztertuz. Ikus-entzuleek jaia ikusiko dabe eszenan: kapitalismoaren, desarrollismoaren eta ustelkeriaren jaiagaz, gonbidauta ez dagozan arren, laburbatu dau Beatriz Jaén muntaiaren zuzendariak. Paloma Cordoba eta Esther Isla aktoreak dira proposamen horren protagonistak, antzerkigile katalanaren estiloari leial: beti ironiaz eta ikutu ganberro ugarigaz.

Antzerkigintzako tailer praktikoa eta esperimentala

Astegoien honetan bertan (urriaren 26an, zapatuan, eta 27an, domekan), Joan Yago bera Bilbon izango da Imaginación y memoria izenburuko eta antzerkiko profesionalei zein zaleei zuzendutako antzerkigintzako tailerra emoten. Goizez egingo da (egun bietan 10:00-14:00) eta 15 personako talde txikiarentzat. Matrikuleak 40 euro balio dau, Breve historia del ferrocarril español lanaren zapatuko emonaldirako gonbidapena barne. Emon izena hemen.

Yagoren eretxiz, fikzino espekulatiboko ikastaroa izango da eta, aldi berean, irudimenik bako gomuteak ez baitau ezertarako balio. Gaur egun Estaduan dagoan antzerki garaikidearen ahots nabarmenetako baten eskutik zuzenean ikasteko aukera parebakoa izango da. BBK Salak orain urte bi dramaturgia barrietan trebatzeko, Euskadin irakaskuntza espezifikoko zentrorik ez dauen diziplinan, martxan jarritako programearen barruan dago hitzordu hori. Ordutik, Bilboko Kale Nagusiko antzokiak tailer bat atontzen dau urtero, estaduko antzerkigintzan izen handiko sortzaileen eskutik (2022an Albert Tola bartzelonarrak emon eban eta 2023an Eva Redondo salamancarrak).