45.000 ikasle baino gehiagogaz hasi da 2024/2025 ikasturtea UPV/EHUn

| Ikusi handiago | Argazki originala

2024/2025 ikasturtea badator eta (UPV/EHU), hasita dagoz unibersidadeko ikastegietan aurkezpenak egiten eta lehen eskolak emoten. Aurten, euskal unibersidae publikoan, 35.700 personak baino gehiagok egingo ditue gradu ikasketak eta 10.000 baino gehiagok graduondoko ikasketak eta etenuik bako prestakuntzea. Ikasturteari hasierea emateko ekitaldi nagusia hilaren 12an, egueneann, egingo dabe Areto Nagusian (Bizkaiko Campusa). Imanol Pradales lehendakaria eta Eva Ferreira errektorea izango dira ekitaldian.

Dagoeneko 8.700 ikasle barri matrikulau dira Euskal Herriko Unibersidadean eta graduko matrikulea egiteko azken epea amaitzeko dago oraindino. Ikasle barrien % 75,27k lehen aukera legez aukeratutako graduan lortu dabe plazea eta % 14,83k bigarren aukeran. Sexuaren arabera, ikasle barrien % 58,24 emakumeak dira eta % 42,76 gizonak. Aukeratutako hizkuntzeari jagokonez, % 55,17k euskaraz egingo ditue graduko ikasketak eta % 44,83k gaztelaniaz. Campusaren arabera, % 53,44 Bizkaiko Campusean matrikulau dira, % 25,85 Gipuzkoakoan eta % 20,60 Arabakoan.

Gitxieneko notarik altuena Fisika + Injinerutza Elektronikoko Gradu Bikotxekoa izan da (12,874). Eta, jarraian, honakoak: Biomedical Engineering (12,804), Medikuntzako Gradua gaztelaniaz (12,728), Biokimika eta Biologia Molekularra (12,639), Odontologia (12,630), Bioteknologia (12,410), Double Bachelors Degree in Business and Economics (12,375), Medikuntzea euskeraz (12,366), Fisikea (12,234), Injinerutza Mekanikoa + Industria Elektronikoaren eta Automatikearen Injinerutzea (12,162), Matematika (11,956) eta Ikus-entzunezko Komunikazinoa + Kazetaritza (11,918).

108 gradu eta Logopediako Gradu barria

Berritasuna da Logopediako Gradu barria eskainiko dauela euskal unibersidade publikoak, Gipuzkoako Campuseko Psikologia Fakultadean eta prestakuntza ibilbide duala izango dauela. Holan, UPV/EHUk 108 gradu eskainiko ditu guztira. 

Gainera, gradu gehienetan, ingelesez (800 irakasgai baino gehiago) edo beste hizkuntza batzuetan (ia 180 irakasgai) be ikasi daitekez irakasgai batzuk. Bost graduk Unibasq-ek emondako nazinoarteko aitamena dabe, euren ikasleen nazinoartekotzea bultzatzen dabelako.

Kontuak kontu, ikasturteari hasierea emoteko ekitaldi nagusia hilaren 12an, eguenean, egingo dabe Areto Nagusian (Bizkaiko Campusa). Imanol Pradales lehendakaria eta Eva Ferreira errektorea izango dira ekitaldian.