Zabalik da Orkestra Zuzendaritzako IX. topaketetan izena emoteko epea

Jose R. Pascual-Vilaplana eta Miguel Etchegoncelay. | Ikusi handiago | Argazki originala

Betiko lez, Bilbao Musika, Orkestra Zuzendaritzari buruzko VIII. Topaketen egoitza izango da. Horren helburu nagusia, talde instrumentalen gidaritzea jorratzeko baliabide tekniko eta artistikoak eskaintzeaz gan, gaur egungo formazinoetan orkestra-zuzendaritzearen azterketea sustatzea da.

Topaketak 2024ko urtarrilaren 7tik 10era izango dira eta Miguel Etchegoncelay zuzendari argentinarra izango da irakasle konbidadu eta epaimahaiburu Bilbao Musika Zuzendaritzako Nazinoarteko Saria lehiaketan.

Aurreko edizinoetan irakasle legez parte hartu daben maisuen artean Johan de Meij, Jan van der Roost, Franco Cesarini, Thomas Doss, Bert Appermont, Douglas Bostock, Timothy Reynish eta Isabelle Ruf-Weber dagoz. Eta beste behin, José R. Pascual-Vilaplana Bilboko Udal Musika Bandako zuzendari titularrak irakasle eta koordinatzaile lanak egingo ditu.

Bilbao Musika Nazinoarteko Zuzendaritza Sarian parte hartzeko eskaerak posta elektronikoz bialdu beharko dira Bilbao Musikara 2024ko urriaren 15a baino lehen (amaiabilbao@bilbaomusika.eus), curriculum vitae, NANaren kopia eta ordainagiriagaz batera (izena emoteko kuotea: 30 euro ez itzulgarriak, posta elektronikoz bialdu beharko ditue lehen aitatutako helbidera. Bilbao Musika Nazioarteko Zuzendaritza Sariko lehiakide hautatuei 2024ko zemendiaren 4tik aurrera emongo jake informazinoa (danetara, 10 persona).

Hautatutako parte-hartzaileek Bilboko Udal Bandea zuzenduko dabe eta azken faseko irabazleak Bilboko Udal Bandearen 2024-2025 denporaldirako zuzendari konbidadu izentetea jasoko dabe saritzat.

Topaketa horreetan programautako tailerrei jagokenez, zuzendaritza munduan interesa daben guztiei zuzenduta, Bilbao Musikaren egoitzan (Sorkunde, 8 48006 – Bilbo) egingo dira, 17:00etatik 19:30era, 2025ko urtarrilaren 7, 8 eta 9an.
 
Kontzertua

Topaketei amaierea bikaina emongo jake kontzertu bategaz: urtarrilaren 10ean, 18:00etan, Juan Crisóstomo de Arriaga Konsernbatorioan. Progamea:

• Franz von Suppé: (Mold. M. Etchegoncelay) Isabella.
• Eugène Bozza: (Mold. M. Etchegoncelay) Overture Ryhtmique.
• Juan E. Canet Todolí: Viento del Pueblo.
• James Barnes: Pagan Dances.