Alos Quartet taldeak Ameriketako birea iragarri dau

| Ikusi handiago | Argazki originala

Alos Quartetek lau kontzertu eskainiko ditu Colombian eta Cuban

Etxepare Institutoaren eskutik, abuztuaren 8an Bogotako Teatro Mayor Julio Mario Santo Domingo antzokian izango da lehen aldiz. Bertan, Ventana Vasca izeneko zikloan parte hartuko dau.

Horren ostean, Cuban, hiru kontzertu eskainiko ditu: abuztuaren 10ean, La Habanako Teatro del Museo de Bellas Artes antzokian; abuztuaren 11an, Matanzas uriko Teatro Jose White antzokian; eta, hilaren 15ean, La Habanako Fábrica de Arte Cubano aretoan.

Taldekideak

• Xabier Zeberio: nyckelharpa, biolina eta konposizinoa.
• Francisco Herrero: biolina.
• Lorena Núñez: biola.
• Alejandro Saúl: txeloa.

Alos Quartet

Alos Quartetek 1999an sortu eben eta musika klasikoan eta modernoan esperientzi handiko musikariek osatzen dabe. Gaur egungo musikaren esparru ugari arakatzen ditu ikuspuntu barria eskainiz.

Makinatxu bat kolaboratzaile izan ditue, esaterako: Dulce Pontes , Kepa Junkera, Oskorri, Silvio Rodriguez, Benito Lertxundi, Carlos Nuñez, Oreka TX, Ken Zazpi, Esne Beltza, La Buena Vida, Los Piratas, Bide Ertzean eta Angel Unzu.

Horreezaz gan, hainbat filmetako soinu bandak egin ditue, besteak beste: Irati, Cinco Lobitos , Dantza, Sobre Todo de Noche, Marco eta Akelarre.