Euskadiko Lanbide Heziketan matrikuletako epea hasi da

| Ikusi handiago | Argazki originala

Euskal Autonomia Erdidegoan Lanbide Heziketa ziklo bat (oinarrizko, erdi-mailako edo goi-mailako LH) ikasteko matrikulazino-epe arrunta hasi da eta garagarrilaren 22an amaituko da, nahiz eta gero urriaren 18ra artekoa egongo dan ezohiko matrikulazino epea eta oraindino plaza libreak dagoz laneratze handiko zikloetan. HETELen ikastetxeetan emoten diran Lanbide Heziketa zikloek % 80 inguruko laneratze-tasea izan dabe 2022-2023an eta % 90 ingurukoa industria- zikloetan edo STEAM zikloetan. Eta 2023-2024 ikasturteko azken promozinoak zifra horreek gainditzea espero da.

Hetelek, Abantean Lanbide Heziketako Ikastetxeen Euskadiko Alkarteak, 12.000 ikasletik gorako 33 ikastetxe batzen dituanak, oraindino erabagi barik dagozan gazteei dei egiten deutse, aurrez izena emon ez badabe be dabadoalako matrikulea egiteko ezohiko epean, garagarrilaren 23an eta 24an eta irailaren 2tik urriaren 18ra.

Ia erabateko enplegagarritasuna daben arlo batzuetan oraindino plaza libreak dagoz Hetel ikastetxe batzuetan, besteak beste, Fabrikazino Mekanikoaren arloan (Produkzinoaren Programazinoa, Fabrikazino Mekanikoko Diseinua, Metal-eraikuntzak, Mekanizazinoa, Soldadurea). Julen Elgeta Heteleko presidenteak azpimarratu dauenez, Euskadin oso errotuta dagoan arloa da, pandemiaren momenturik larrienetan eta oraindino be laneratze handia dauena, lan-baldintza oneko lanpostuak dituana, ordainsari ona dabenak eta automatizazinoan, digitalizazinoan eta, oro har, gero eta kualifikazino handiagoetan aurrera egiten dauen sektorea dana. Eta bardin Elektrizidade-Elektronika arloan be; gogoan hartu, hainbat ziklotan plaza batzuk badirala eskuragarri, batez be goi-mailako zikloetan eta enplegagarritasun handikoetan, besteak beste, Mantentze Elektronikoa eta Telekomunikazio Sistemak. Lanbide-arlo horreetako goi-mailako zikloetan, ikasleek, goi-mailako ikasketak egin ondoren, espezializazino-ikastaroen bidez ikasten jarraitu ahal izango dabe. Ikastaro horreek urtebeteko iraupena izaten dabe.

Bestalde, Hetelek aurrematrikulazinoko datuetan igarri dauen lez, osasun-arloagaz lotutako familiak berehala geratu dira plazarik barik: 'ia ez dago plaza librerik Informatika familian eta hori gauza ona da, azken urteetako egoerea iraultzen doalako eta, gainera, enplegagarritasun handiko familia dalako, adierazi dau Elgetak.

Hetel

Abantean Lanbide Heziketako 33 ikastetxe (konprometiduak, solidarioak, barritzaileak) batzen dituan alkartea da eta 12.000 ikasle baino gehiago ditu. Euskadiko Lanbide Heziketea hobetu, prestigiau eta gidatzea dau helburu eta kalidadeko zerbitzu publikoa eskaintzen deutse ikasle, enpresa eta, oro har, euskal gizarteari, herrialdearen eta nazinoartearen ikuspuntutik.