Landarte 2024 erakusketeak sorkuntza garaikideko bost prozesu batzen ditu

Bizkaie! 2024-07-03 08:09   Kulturea

Landarte 2024 programea bost herri txikitan lantzen da. Bertan, Nafarroan bizi diran sortzaileek sorkuntza garaikideko partaidetza-prozesuak gauzatuko ditue: Peru Galbete sortzailea Oibarko udalerrian egongo da; Ekhiñe Etxeberria zinemagilea, Elgorriagan; Estefanía de Paz Asín diziplina anitzeko artistea, Oteiza de la Solanan; María Azkarate argazkilari eta arkitektoa, Radan; eta Oihane McGuinness ikusizko sortzailea, Untzitibarrean.

Landarte Kultura Zuzendaritza Nagusiak – Vianako Printzea Erakundeak atonduta, landa eremutik sorkuntza garaikidea sustatzeko programea da. Aukeratutako sortzaileek garagarrilaren amaierara arte egingo dabe prospekzino-lana eta loturak ezarriko ditue lan egingo daben herriakaz. Ondoren, komunidadeaka batera euren proiektuak zehaztu eta urrira arte landuko ditue.

Landarteren zortzigarren edizioaren jentaurrekoan egon dira Ignacio Apezteguia Kulturako Zuzendaritza Nagusia – Vianako Printzea Erakundea, Lorenzo Garcia Kultur Ekintzako Zerbitzuko zuzendaria eta Anne Ibañez Kanpoko Bulegoa kolektiboko kidea. Gainerako koordinatzaile taldeak (Estefanía Munárriz, Celia Martín, Mikel Ozkoidi eta Marc Badal) eta parte hartu daben sortzaileek parte hartu dabe. Gainera, hautatutako udalerriak bertan izan dira udal ordezkariek grabautako bideo batzuen bidez.

Ignacio Apezteguiak nabarmendu dauenez, zortzi edizinoren ondoren, Landarte programea sendotuta dago; igaz ezarritako barrikuntzek funtzionau dabe eta dokumentazinoaren eta hausnarketearen aldek egiten jarraitzen da, sorkuntza garaikidea eta landa-ingurunea eta bertako komunidadeak buztartzen dituen proiektuen parte-hartzearen, bitartekaritzearen eta sorrerearen osgarri lez.

Apeztegiak berretsi dau programa hori Zuzendaritza Nagusi honetako bereziena dala eta oinarrizko printzipio bat nabarmendu dau: Sorkuntzea egiteko modua zer egiten dn bezain garrantzitsua da eta programa honetako prozesuen izakera edegia azpimarratu dau: komunidadeen eta sortzaileen esku ixten dogu zer egingo daben eta zelan egingo daben erabagitea.

Bestalde, Lorenzo García Echegoyenek parte hartu daben bost herriak errepasau ditu, kulturea sortzeko gune nagusietatik urrun dagozan herriak, beren komunidade eta lurraldeen barruan eragile sortzaile izateko aukerea emoten jakenak.

Anne Ibañezek kultura-bitartekaritzeari eta Landarteren esparruan hartzen dituen formei buruzko hainbat gogoeta partekatu ditu.

Horrezaz gan, Ibáñezek iragarri dau Fran Quiroga aukeratu dabela edizio honetan Landarte Artxiboan parte hartzeko. Ekimen hori 2023an jarri Eben martxan Susana Cámara Leret Leongo artisteagaz: Nafarroatik kanpoko beste esperientzia eta ikuspuntu batzuk gerturatzeko, programeak bizi dituan hainbat gairi buruzko hausnarketa bultzatu leikienak. Lan arlo horrek Landarteko sortzaileakaz topaketa bat egitea proponiduten dau, baita alkarrizketa bat egitea be, programearen webgunetik zabaltzeko grabauko dana.

Fran Quiroga diziplinaz gaindiko ikertzailea da. Bere lan arloen artean aktibismoaren, artearen, parte-hartze sozialaren eta danen arteko gurutzaketak dagpz. Bere proiektuetan sozializazino-espazioak eta topalekuak sortzea da asmoa.

Sortzaileen hautaketa hainbat diziplinatan dabil lanean Landarte 2024an. Peru Galbete Labianok ikus-entzunezkoen arloa eta musika produkzinoa buztartzen ditu. Ahotsagaz eta irudiagaz lan egiten dau. Bestalde, Ekhiñe Etxeberriak zinema dokumentalaren zuzendaria eta irakaslea izateaz gan, dokumentalen irakasle be bada Bartzelonako Unibersidadean eta hainbat institututan eta Praktika Artistikoen eta Ikasketa Kulturalen Masterraren koordinatzailea be bada: gorputza, afektuak, Ugarteko Arte Garaikideko Zentroaren lurraldea, UPNA eta EHU. Estefanía de Paz Asín diziplina anitzeko artistea da, zirkuan, antzerkian, jantzan eta ahotsean trebatua. Kaleko eta aretoko ikuskizun ugaritan sustatzaile, aktore eta abeslari izan da. Arkitekturako arkitektoa eta argazkilaria da María Azkarate; arkitektureagaz zerikusia daben estudio eta enpresakaz batera, uriari eta arkitektura-espazioari buruzko lan personalak jorratzen ditu. Oihane McGuinnessek espazioa modu eskultorikoan okupetan daben irudiakaz idatzi eta lan egiten dau. Nafarroako Unibersidade Publikoko irakaslea be bada.

Landarte 2024ko lantaldea

Landarte 2024k bitartekari taldeko parte-hartzaile guztiak (herriak, sortzaileak eta erakundeak) koordineteaz, herritarrak dinamizeteaz, sortzaileei komunidadearen eta ingurunearearen aurreko loturan laguntzeaz eta sortzaileak programak planteetan dituen lan arloakaz datozen proiektuetan identifiketeaz eta aholkatzeaz arduratzen dana.

Programak komunikazino-ekipo bat dauka lan-prozesuak erregistretako. Aurten, nobedade lez, sortzaileek dokumentauko ditue prozesuak, beren material grafiko eta ikus-entzunezkoak sortuz. Material hori Landarteren webgunearen eta blogaren bidez zabaltzea aurreikusten da. Hain zuzen be, programearen webgunea da programa honen komunikazino-kanal nagusia. Programearen, herrien eta artisten informazino guztia batzen dau, material grafikoekin eta ikus-entzunezkoekin batera, baita blog bat be, edizio honen garapena jarraitzeko, bost proiektuen ibilbidea jasotzen duten argitalpenen bidez. Zortzigarren edizino honetan aitau webgunearen birdiseinua egingo da. Landarte, gainera, Kulturako Zuzendaritza Nagusiaren – Vianako Printzea Erakundearen sare sozialetan oinarritzen da sortutako edukiak zabaltzeko.

Landartek, azken edizinoetan bezela, tokiko biztanleen parte-hartzea sustatu nahi dau proiektuaren garapen osoan, modu kolektibo eta horizontalean, edukiak eta diskursoa sortzeko. Hori lortzeko, sortzaileek hautatutako herrietan lan egingo dabe, hairekaz alkarreraginez, bertako jentearen arteko lotura posibleak artikulat, tokiko komunidadearen interesak eta beharrak jasoko dituen proiektuak alkarlanean jorratzeko.