XII. Ipuin Rallyko sariak emon ditue herriko ikasleen artean

| Ikusi handiago | Argazki originala

Ekimen ugari jorratzen ditue eta horietako bat izaten da Augustin Zubikarai ipuin rallya. Aurten XII. aldia izan da eta oraintsu egin eben sariak emoteko ekitaldia Kofradia Zaharrean. Aurten be Ana Urkiza eta Leire Bilbao idazle ondarrutarrek osotu dabe epaimahaia. Agenda kontuak tarteko sari banaketa ekitaldian ezin izan eben egon baina Bilbaok bideo bidez azpimarratu eban rallyan egondako maila altua eta nabarmendu dau, besteak beste, irudimena, sormena, ortografia, ortotipografia eta atontzaileek emondako esaldia ipuinean zelan txertatu daben izan dirala kontuan hartu dituen erispideak.

Sariak emoteaz Urtza Alkorta alkatea eta Irina Alkorta eta Esti Arruti zinegotziak arduratu dira. Alkateak be maila altua azpimarratu eta ikasleak idazten eta batez be irakurten jarraitzeko animau ditu: gaur be erakutsi dozue zelako mailea dagoan herrian. Jarraitu euskeraz sortzen. Zorionak irabazleoi eta gainerako ikasleoi, lan ikaragarria egin dozue eta!.

Ondokak izan dira aurtengo irabazleak eta euren lanak:

LH5 eta LH6

Izaga Ituarte Elordi. Jon eta bere ametsa.
June Solupe Arakistain. Mundu arraroa.
Laia Solabarrieta Arrizabalaga eta Paule Zenarrutzabeitia Guirado. Euri magikoa.
Garazi Perez Akarregi. Arrakastaren lagunak.
Nahia Epelde Borges. Urizaharren beti poza.

DBH1 eta DBH 2

Beñat Urriolabeitia Egiguren. Pokerreko kartaren misterioa.
Lur Horta Solabarrieta. Ez nekien.
June urresti Iglesias eta June Atxurra Badiola. Ametsak egia bihurtzen.
Gorka Martinez de Azagra Martinez de Luco. Lehen nobela ezintasunarekin.
Arane Gonzalez Atxurra. Leni, nire bihotzean gordeta.

DBH3 eta DBH4

Leire Ojeda Solorzano eta Eneko Bilbao Etxebarria. Los Angeleseko gaua.
Ander Badiola Alzibar eta Aiza Gandarias Solabarrieta. Lulu iragarlearen karta-jokoa.
Nerea Laka Belaustegi eta Enara Perez Akarregi. Soluzioa.
Olatz Naberan Gartzia eta Alazne Muñoz Ruano. Texas Hold’em amainatua.
Ane Martinez de Luco Frias. Hiru-lau sentimendu.

Urtero moduan, ipuin horreek guztiak batuko dituan liburu bat argitaratuko dau udalak eta ikasleei emongo jake.

Udalak sormena sustatzeko ekimen legez planteau dau Ipuin Rallya baina Zubikarai nobela bekea be atontzen dau, idazle izan nahi dabenentzat.