XXI. Laburbira jaialdia 37 herritatik pasa da

| Ikusi handiago | Argazki originala

Apirilaren 12an hasi eban ibilbidea 2024ko Laburbirak, Bergaran, eta maiatzearen 19an amaituko da, Etxebarrian. Guztira, 37 herritan ikusi ahal izan da 8 filmez osotutako bildumea eta horreetatik 11 emonalditan, autoreakaz barriketan ibilteko aukerea izan dabe ikusleek. Egutegi osoa Laburbiraren webgunean dago ikusgai.

Beraz, 8 film laburrek osotu dabe bildumea eta horreetako askok, ibilbide nabarmena egin dabe nazinoarteko jaialdietan. Honeek izan dira, hurranez hurran:

• Dena asmatuta dago (Jone Arriola).
• Katalinaren zoria (Guillermo Ordás).
• Erro (Amaia Lejarreta).
• Babesa (Ander Iruretagoyena).
• Mundu berri bat (Mikel Alvarez).
• Zirrara (Ane Cuesta).
• Talkak (Ilune Diaz eta Jordi Nuet).
• Betizu buru (Kim Maiteny Munoa).

Kontuak kontu, 850 ikusle erakarri ditu Laburbirak emonaldietara. Ganera, ikusleek filmik gustokoena hautatzeko aukerea izan dabe; halanda ze, Babesa eta Talkak filmak izan dira boto gehien eskuratu dituenak.