Aldakan, Capsula, Ezezez eta J Martina, 'Artistas en Ruta' programean

Ezezez taldea. | Ikusi handiago | Argazki originala

AIE erakundeak atontzen dauen Artistas en Ruta estadu mailako zirkuituak ezagutzera emon ditu 2024. urteko azken hiruhilekoan zuzeneko kontzertuak eskainiko dituen euskal taldeak: Aldakan, Capsula, Ezezez eta J Martina.

Zuzeneko musikea indartzeko eta talentu barriak publikoari hurreratzeko programea da. Gaur egun ezagunak diran hainbat talde edo bakarlarik zirkuitu horretan parte hartu dabe, esaterako, Amorante, Hofe x 4:40, Merina Gris, Neomak, Airu, Kulto Kultibo, Verde Prato, Amak, Lukiek, Ezpalak, Bulego, Idoia, Dupla, Olatz Salvador edo Zetak.

Programearen edizino bakotxak bi ziklo ditu: lehenengoa urtarriletik bagilera eta bigarrena irailetik abendura. Estadu osoko kazetari, areto-programatzaile eta kultura-kudeatzaileek osotutako batzorde batek aukerau ditue taldeak.

Horreezaz gan, 2024ko bagilera arte, Amorante, Hofe x 4:40 eta Merina Gris taldeek kontzertuak emongo ditue estaduan zehar, zirkuituaren babespean.

Etxepare Euskal Institutuak AIEnRUTa-Artistas programea babesten dau, euskal musikarien presentzia bermatzeko.