'Gurs: Gernika Berriren Amets Zapuztua' aldi baterako erakusketea inaugurauko dabe

| Ikusi handiago | Argazki originala

Gernikako Bakearen Museoko erakusketearen bidez, Gerra Zibilaren ondoren Frantzian sartzeko esparruei buruzko gaia jorratu nahi da. Gurseko Harrera Esparruan gertatutakoa ezagutarazo nahi da, Espainiako Gerra Zibilaren amaierearen eta erretiratzearen exodoaren ondoren. Milaka lagun Bearneko Gurs eremuan giltzapetu zituen, aurretik Les Barcares, St Cyprien eta Argèles sur Mer hondartza-eremuetatik igaro ondoren. Azken leku honetan, milaka euskaldun batu eta atondu ziran Gernika Berri izeneko esparruan.

Inaugurazinoan Josu Chueca Intxusta historialari eta ikertzailea izango da, bertako komisarioa, baita Amicale du Camp de Gurs-eko zenbait kide be, erakusketan ikusi ahal izango diran objektuak itxi dituenak be.

Erakusketa Gernikan egongo da 2024ko maiatzaren 12ra arte eta 5 ataletan banatuta dago. Atal horreek gure hurreko historiara hurreratzen deuskuez, argazkien, dokumentuen, testigantzen eta objektuen bidez:

• Gurseko Harrera-Eremua sortzea.
• Milaka personen erretiratzea Frantziara.
• Gernika Berri, hor batu baitziran 5.000 euskaldun.
• Gurs. Harreratik sarraskira.
• Gurs. Heriotza-memoriatik, historia-memorialera.

Erakusketearen komisarioa, Amicale del Camp de Gurseko kideak bezela, pozik egongo dira inaugurazinoaren ondoren komunikabideei, behar daben informazino guztia azaltzeko.