2024ko dFERIA martiaren 11tik 14ra egingo da
2023-12-27 12:54 KultureaAne Pikaza interprete eta ilustratzailea izan da datorren urteko dFERIAko irudiaren sortzailea.
Centro Coreografico Nazionale / Aterballettok, Italiako jantza garaikideko konpainiarik garrantzitsuena eta bertako balletaren produkzino erakunde iraunkor nagusienak, 30. dFERIAri hasierea emongo deutso Victoria Eugenia Antzokian martiaren 10ean, Yeled, Shoot Me eta Rapsody in blue piezek osotutako programa hirukotxagaz. Askotariko estiloak erabat ulertzeko kapaz diran 16 interprete bakarlarik osotuta, Centro Coreografico Nazionale / Aterballettoren ospea bai Italian bai nazinoartean be zabaldu da, interpreteen kalidade nabarmenari esker. Donostian aurkeztuko dituen hiru piezen artean, Iratxe Ansa gipuzkoarrak Igor Bacovichekin batera sortutako Rapsody in blue lana egongo da ikusgai, datorren zezeilean Regio di Parma antzokian estreinauko dana.
Sarrerak abenduaren 21etik salgai dagoz 11:30etik aurrera Victoria Eugenia eta Antzoki Zaharreko leihatiletan eta donostiakultura.eus/sarrerak webgunean.
Aurtengo irudiari jagokonez, Ane Pikaza interprete eta ilustratzailea izan da datorren feriako kartelaren sortzailea; bertan, gure gogoetek eta lanek ahotsa izateko askatasuna irudikatu gura izan dot, pizten gaituen su horreek pentsamendutik agertokietara salto egin eta ikusleen begiradakaz konektau ahal izateko, mundu errealean eragina izateko.
Kontuak kontu, 30. edizino honetarako 480 konpainiek emon dabe izena eta 25 inguru izango dira 9 espazio eszenikotan antzeztuko diran ikuskizunak.
Erantzun
Erantzuteko, izena emanda egon behar duzu. Sartu komunitatera!