Gabonart 2023 - Arisautza Azokea

Arenaleko karpan profesional onenak batuko dira eta bizkaitar ugari izango dira bertan. 54 lagunetatik 30ek Bizkaian ditue tailerrak eta % 50 urian bertan. Hori dala eta, hitzordu hau sano garrantzitsua da, Bilboko artisauak beren urian bertan aurkezten diralako.

Datuei jagokenez, Bizkaian 30 artisau izango dira, 15ek Bizkaiko uriburuan dabe tailerra. Gipuzkoako 7 profesional izango dira gure artean eta kanpotarren artean, Gaztela Mantxa, Gaztela Leon, Kantabria, Asturias, Galizia, Murtzia, Katalunia, Valentzia edo Balear Ugarteetako artisauak hurreratuko dira.

Sektoreka, aurten be ehungintzea izango da izarra, izan be, 11 artisau izango dira; ondoren, bitxigintzea eta larrugintzea, 6gaz. Zeramika lantzen daben artisauak dagoz, 5 ordezkarigaz. Ez dira faltako kosmetikearen arloko profesionalak: danetara, lau enpresa izango dira aurten. Artisau batek beira, imitazinoko bitxiak
eta zura izango ditu. Jostailu-dendan profesional bi egongo dira, lore sikuei, feltroari edo ilustrazinoari eskainitako artisauak bezelaxe. Amaitzeko argizarigile bat eta koadernaketeari lotutako beste bi izango dira Arenalean.

Danen artean, Arenala artisautzearen erdigune bihurtuko da, eta ezinbesteko topaketea, bilbotarrentzat zein bisitarientzat, Bizkaiko uriburuan, alkartasunak eta tokiko konsumoaren gaineko kontzientziak beste dimensino bat hartzen daben garai gogor honeetan.