Gaur, zemendiak 3, emongo ditue Durango Sariak

Kultura-arloko persona esanguratsua saria Nerea Mujika, Gerediaga Elkarteko buruak irabazi dau. Erretratua: Txelu Angotia Gutierrez | Ikusi handiago | Argazki originala

Durangoko Udalak Durango Sarien bigarren edizinoko sariak emongo ditu San Agustin Kulturgunean.

Prozesua garagarrilean hasi zan, Durangoko bizilagunek hautagaitzak aurkeztu ahal izateko prozesu parte-hartzailea edegi zanean. Irailaren amaieran, jasotako 27 proposamenetatik epaimahaiak edizino honetako sariak honako honeei emotea erabagi eban:

 Durango Kirol Elkartea: Durango Rugby Taldea.

 Kirolaria: Deniba Konare judokea.

 Durangoko Kultur Elkartea: Kriskitin dantza Taldea.

 Kultura-arloko persona esanguratsua: Nerea Mujika, Gerediaga Elkarteko burua.

 Gizarte-arloko alkartea: JAED.

 Sari berezia: Kortabitarte anaiak.

Aldi berean, iraileko azken astean beste prozesu parte-hartzaile bat edegi zan eta hor herritarrek 6 hautagairen artean (Jone Aizpurua, June Arbeo, Pedro Mari Garita, Oiane Azkonizaga, Juanan Aroma, Kriskitin Dantza Taldea) botoa emoteko aukerea izan eben. Danetara, 329 boto emon ziran.

Irabazleak:

 Kultura Arloa (herri-saria): Juan Antoni Aroma, txistularia.

 Kirol-arloa (herri-saria): Jone Aizpurua, triatletea. Ekitaldira joateko gonbidapenak 26tik aurrera jaso ahal izango dira Durangoko Arte eta Historia Museoan, edukierea bete arte.