44. Santurtzi Antzerki Jaialdiak 21 hitzordu programau ditu

Bizkaie! 2023-10-24 11:13   Kulturea

Umorea, memoria, talentu barriak eta artista finkatuak izango dira, besteak beste, Eusebio Poncela, Carmelo Gómez, Patxo Telleria, Amaia Lizarralde, Marina Salas, Itziar Lazkano eta Igor Yebra, urriaren 26tik zemendiaren 26ra egingo dan Santurtziko Antzerki Jaialdiaren 44. edizinoan. Antzezlan guztiak Serantes Kultur Aretoan izango dira, bi ezeze (Kolektibo Konika eta Trapu Zaharra, Santurtziko parkean izango diranak).

Danetara, 21 ikuskizun emongo dira publiko guztientzat, antzerkia eta arte eszenikoak personei hurreratzeko. Honako honeek izango dira oholtza ganean:

- Urriak 26: Fake reality.

- Urriak 27: N’ImPorte quoi.

- Zemendiak 3: Vive Molière.

- Zemendiak 4: Las que fueron silencio.

- Zemendiak 5: Solo.

- Zemendiak 9: Hobe Ixilik. Ramon Agirre eta Amaia Lizarraldegaz.

- Zemendiak 10: El beso de la mujer araña. Eusebio Poncela eta Igor Yebra aktoreegaz.

- Zemendiak 11: La infamia. 2023ko Max saria emakumezko ex aequo antzezle onenei jaso zituan: Marta Nieto eta Marina Salas.

- Zemendiak 12: El novio de España.

- Zemendiak 16: Las guerras de nuestros antepasados. 2023ko Talia Saria jaso eban Carmelo Gomez-ek.

- Zemendiak 17: Lectura fácil.

- Zemendiak 19: Julio César.

- Zemendiak 23: Kortxoaren dilema (euskeraz). Patxo Telleriak zuzenduta.

- Zemendiak 24: El rey que fue.

- Zemendiak 25: La lucha por la vida.

- Zemendiak 26: Ciudades (arquitecturas en movimiento).

Horreezaz gan, jaialdiak ume eta familientzako hiru ikuskizun eskainiko ditu:

- Urriak 29: Mi pequeño universo. Familientzako ikuskizun onena saria irabazi eban, 2023ko Ciudad Rodrigo arte eszenikoen azokan.

- Zemendiak 5: Kelonia eta Itsasoa (euskeraz). Gorakada konpainia.

- Zemendiak 26: Un traje nuevo para el emperador. 2023an Feten Saria irabazi eban.

Ganera, edizino barri honetan, jaialdia kalean be izango da urtengo da konpainia biren lanakaz: Kolektivo Konika (Urriak 27) eta Trapu Zaharra (Zemendiakk 18) hain zuzen be, Santurtziko parkeko oinezkoentzako gunean izango dira (euria egingo baleu, Gernika parkean).

Abonuak eta sarrerak salgai dagoz hemen. Abonu berezia erosi ahal izango da 125 euroko prezioan ikuskizun guztietarako, euskerazkoak eta umeentzakoak ezeze. Serantes Kultur Aretoko leihatilan sarrerak erosteko aukerea be badago, 17:30etatik 21:00etara.