BAEA 'startup'-ak irabazi dau 'Soir.ee Mademoiselle Basque' lehiaketea

| Ikusi handiago | Argazki originala

BAEA startup-ak (Basque Algae and Engineering Aplication) Soir.ee Mademoiselle Basque saria irabazi dau, Garapen Jasangarrirako Helburuakaz konprometidutako emakume ekintzaileei bideratua. Sortzailea Esther Blanco Rayón (Bilbao, 1989) EHUko Zientzia eta Teknologia Fakultadeko eta Plentziako Itsas Estazinoko (PiE-UPV/EHU) irakasle eta ikertzailea da. Prototipo bat garatzen nabil, enpresa txiki eta ertainei karbono aztarnak murrizteko, adierazo dau irakasleak.

Halanda ze, Blanco Rayónek, Zoologia eta Animalien Biologia Zelularreko Saileko irakasle eta ikertzaileak, prototipo bat garatu dau gasak deskarbonizazinoa murriztea lortzeko alga mueta askoren bidez. Era berean, algei etekin handiagoa atarateko, Blanco Rayónek argiztapen sistema automatizau bat patentau dau, alga mueta bakotxa garatzeko baldintza egokiak lortzen dituana. Blancok autortu dauenez, edozein lekutara egokitu daiteke, ez dau ardura non dabizen mikroalgak hazten.

Gaur egun, sistema horren softwarea hobetzean eta finantziazinoa bilatzean zentrauta dago enpresea. BAEA startup-aren arrakastea ez da Esther Blancorena bakarrik, baita Plentziako Itsas Estazinoarena (PiE-UPV/EHU); ZITEK, UPV/EHUko Bizkaiko Campuseko ekintzailetzeari laguntzeko programearena; eta BEAZ-ena eta SPRI-rena be.