Avumduluv Musika Jaialdia Bilbon

| Ikusi handiago | Argazki originala

Avumduluv, musika eta zaratatxoen jaialdia gaur izango da Errekalde auzoko Kampai espazioan. Kampaik, Zaratafest jaialdiagaz alkarlanaean, sei taldek osatutako kontzertuak atondu ditue.

Sarrerak 7 eurora jarriko ditue salgai eta ateak 18:00 zabalduko dira. Ekitaldia euskaraz eta gaztelaniaz izango da.

Oholtzan egongo diran taldeak hauek dira:

- Phlgz (Madril). J.L. Rey aka Phlegetonen musika elektronikoko proiektua da. Techno, cyberpunk, IDM glitcheatua eta rave gordinaren elementuak buztartzen ditu.

- Katza (Bilbo). Bilbon bizi dan DJa eta bizitza erdia doa musikea aztertzen. Askok jantza-musikearekin lotzen dabe, baina punk taldeetan joten hasi zan, eta ikusten da musika aukeraketean.

- Myriam RZM & Camille Émaille (Dima). Myriam RZM sortzailea, performerra, soinu-esperimentatzailea da. Eszenan Gora Japon bikoteagaz, Magmadam bikoteagaz eta diziplina arteko artisteagaz alkarlanean trebatu da. Gaur egun, Ruido Proto_Ritual garatzen dau. Camille Émaillek objektuek beren kabuz igortzen dituen soinuak eta ideiak jorraten ditu.

- Dopelganger (Gasteiz eta Usansolo). Miguel A. Garcíak (elektronikea, konposizinoa) eta Garazi Navasek (akordeoia, ahotsea) osatzen dabe Dopelganger. Konposizino trinkoak, ezinezko hibridoak, musika elektroniko esperimentalaren eta opera garaikide-espresionistaren arteak jorratzen ditue.

- Gaba (Madrid & Galdakao). Enrique Garoz de Diego eta Garazi Gorostiaga osatutako proiektua da Gaba. Bikotea 2018an sortu zan Larraskito Klubean eta ordutik fantasiazko generoan, zientzia fikzinoan, naturan eta esoterismoan oinarritutako musika egiten dabe.

- Patricia Etxegarai (Iruñea). Arte Ederak ikasi eban Madrilen eta Bilbon. Lav Masterraren IX. edizinoan Sorkuntza eta praktika garaikideko ikus-entzunezko laborategia egin eban, Bere lanak erakutsiz Madrilgo Cinetecan, Bideodromoan eta Bilboko MEM jaialdian, baita gune autogestionatuetan be.