Iñaki Uranga, BOS, Udal Bandea, Tamara, Alex Ubago, Esne Beltza eta Marlon Bilboko Aste Nagusian

Esne Beltzako Xabi Solano. Erretratua: Gaizka Peñafiel | Ikusi handiago | Argazki originala

Orain egun batzuk iragarritako Guggenheim Bilbao Museoaren inguruko kontzertuak (Lori Meyers, Gatibu eta Vanesa Martin), Iñaki Uranga, Bilboko Orkestra Sinfonikoa (BOS), Bilboko Udal Bandea, Tamara, Alex Ubago, Esne Beltza eta Marlon be ezin ahaztu.

Abuztuaren 19tik 26ra Abandoibarran (23:30ean) eta Europa Parkean (00:00etan), egungo eta gustu eta edade guztietarako diseinautako musika-programazino osoa eskainiko da, Euskadiko eta Nazinoarteko artistakaz.

Abandoibarrako kontzertuak 23:30ean

Abuztuaren 19an, Iñaki Uranga bilbotarrak, Bilboko Orkestra Sinfonikoagaz (BOS) batera ekingo deutso Abandoibarrako kontzertuen boladeari.

Abuztuaren 20an, domekan, Tamara Macarena Valcárcel Serrano, Tamara bezela ezagutzen dan abeslaria helduko da Bilboko Udal Bandeagaz; bolero eta baladen interpretazinoan egungo izar handienetako batez gozetako eguna izango da, Udal Bandearen erritmoakaz.

Ondoren, Lori Meyers izango da protagonista abuztuaren 21ean. Granadako taldea, indie rock eta pop rock generoa zein rock alternatiboa jorratzen dau eta zazpigarren albuma, Espacios infinitos, aurkeztuko dau Bilbon.

Abuztuaren 22an, martitzenean, Gatiburen txandea izango da. Talde gernikarra EH Distopikala biran dabil.

Abuztuaren 23an, Abandoibarrako agertokia egungo musikako ahots nagusietako batentzat izango da, Vanesa Martínentzat, hain zuzen be. Malagako kantautore eta konpositoreak Placeres y pecados bere azken eta zortzigarren albumeko kantuak eskainiko ditu Bilbon.

Alex Ubago abeslari eta konpositorea Bilbon izango da abuztuaren 24an, eguenean, Alex Ubago 20 años birearen barruan.

Hurrengo egunean, abuztuaren 25ean, barikuan, Esne Beltza taldeak publikoa jantzan jarriko dau hip hop, reggae, soul, rock eta folk erritmoak buztartuz. Musika talde euskalduna Bizkaiko uriburura helduko da bagilean Londreseko agertokiak konkistau ostean.

Guggenheim Bilbao Museoaren ondoan dagoan agertokiko azken kontzertua Marlon talde asturiarrak eskainiko dau eta abuztuaren 26an, zapatuan, artista gazteek euren abesti ezagunenakaz eta Olvidé Olvidarte abesti barriagaz gozauko dabe, 2023ko irailean kaleratuko daben disko barriaren aurrerapena.

Europa Parkea

Txurdinaga auzoko Europa Parkean egingo diran jardueren zerrendea be prest dago: ikuskizunen lehen eguna abuztuaren 24a izango da, 00:00etatik aurrera, Lola Indigo nazinoarteko artisteak kantauko dau.

Hurrengo gauean, abuztuaren 25ean, Zetak taldeako joko dau EITB Taldeko Gaztea irratiaren eskutik. Euskal musika pop-elektronikoko taldea Zeinen Ederra Izango Den biran dabil eta 2023. urtearen amaieran amaituko da.

Aste Nagusiko kartelagaz bat egiten dauen beste ikuskizun bat Los 40 Aste Nagusia da, abuztuaren 25ean, DJ Dani Moreno El Gallo-gaz, Miriam Rodríguez eta Depolegaz.

Azken ikuskizuna Fiestazo Megastarrek eskainiko dabe hilaren 26an Sergio Blazquez DJak eta Niak nazinoarteko dance panoramako lehen postuan dagozan lanak eskainiko ditue. Horreez gan, gau horretan Bilbon izango dira Nils Van Zandt, Zzoilo, Hilario, David Cava, Nerea Rodríguez eta Paula Cendejas.