20 artista baino gehiago Bilbao BBK Live Hirian ekitaldian

| Ikusi handiago | Argazki originala

BBK Live Hirian Bilboko kaleetara bueltauko da barriro, jaialdirako motorrak berotzeko asmoz. Sartzea doban da eta bagilaren 17an izango da, Basurto auzoan. Kontzertuetara hurreratzen diran personek, Bilbao BBK Live jaialdirako sarrerak prezio berezian erosteko aukerea izango dabe. Hirian Kreatibo Industriak Fundazinoaren ekimena da.

Hirian jaialdia, 13:00etatik 23:00etara izango da, hagaitik, auzo enblematiko honetako kale eta plazetan musika-programazino eklektiko eta abangoardiakoa izango dogu. Danetara, 20 artista baino gehiago izango dira Basurton kokatutako lau agertokietan.

La Perrera

La Perrera zentroan Airu Bilbotarrek emongo deutse hasierea eta horren atzetik Gabirel Rios eta haren Karibetar folka izango da. Ondoren, Los Chicos del Maiz punk rap taldea, Depresion Sonora eta amaierea emoteko Nena Daconte izango dira.

Sabino Arana Plaza

Sabino Arana Plazan, peninsulako taldeei emongo deutse garrantzia, Laura Sam eta Juan Eskribano bikoteagaz. Jarraitzeko, Fernando Alfarok joko dau haren talde barriagaz, Chucho. Horren ondoren, pun-rock ukitu garratza eta biziki ironikoak dituan Aiko El Grupo izango da eta amaitzeko Nerve Agent taldea.  

Diaz Emparanza Doctorearen kalea.

Kale honetan, Raimundo El Casnasteroren flamenkoa izango da lehenengo protagonistea. Ostean, Mirua, Simona, Ben Santana eta Vatocholo taldeen kontzerturak izango dira.

Basoa in the city - Basurto

Doinu elektronikoen txandea Basurtoko geltokiko kalean izango da. Bertan joko dau Chill Mafiako kide dan Kiliki Frexko, DJ formatuan. Jarraitzeko Kaidara multigeneroa, eta Miravalles eta Amaia Yaniz, bilbotarrak izango dira.

Hirian bitartez talentua indartu eta publiko guztiakana hurreratzea da asmoa, betiko taldeakaz batera proposamen ezagunenak be eskainita. Sartzea doban izango da, Bilboko Udalaren eta Cervezas San Miguel etxearen babesari esker. Ekitaldira hurreratzen diranek Bilbao BBK Live jaialdirako sarrerak prezio berezian erosteko aukerea izango dabe, bagilaren 17an, zapatuan, Basurton.